បើនិយាយពីកន្លែងលក់ពងទាកូនវិញ មានរាប់មិនអស់ ទៅណាក៏ឃើញ ទៅណាក៏ឃើញ តែបើចង់ស្គាល់កន្លែងលក់ពងទាកូនឆ្ងាញ់នោះទាល់តែស៊ើបសួរតិចហើយ។

តែថ្ងៃនេះ FoodBuzz នឹងនាំប្រិយមិត្តទៅស្គាល់កន្លែងលក់ពងទាកូនមួយដឹងតែចាប់ចិត្តហ្មង់។ កន្លែងលក់ពងទាកូនឆ្ងាញ់ គឺបើគិតទៅត្រូវតែមានពងទាកូនថ្មីៗ ជីស្រស់ ខ្ទឹមត្រាំឆ្ងាញ់ ជាពិសេសមានអនាម័យទៀត ចង់ស្គាល់កន្លែងហ្នឹងទេ?

កន្លែងលក់ពងទាកូននេះមានទីតាំងនៅផ្លូវក្រោយសាលាវ៉ាន់ដែលមានកេរ្ដិ៍ឈ្មោះល្បីរាប់ឆ្នាំ មានទាំងពងទាកូនធំៗ ថ្មីៗ មានជីស្រស់ៗឈ្ងុយ មានទឹកត្រីបុក ពិសេសមានខ្ទឹមត្រាំមានរសជាតិឈ្ងុយឆ្ងាញ់ ធានាដឹងតែស្រក់ទឹកមាត់ហ្មង់។ ហើយទីនេះ ចាប់បើកពីពេលថ្ងៃត្រង់រហូតទល់ប្រលប់តែម្តង។ ក្រៅពីពងទាកូន កន្លែងមួយនេះក��មានលក់បង្អែមគ្រប់មុខផងដែរ។ ញ៉ាំពងទាកូនហើយ ថែមបង្អែមលាងមាត់ទៀតមានអីមិនល្អ។

តម្លៃ៖ 2000 រៀលក្នុងមួយគ្រាប់

ទីតាំង : ផ្លូវ 402 កែងផ្លូវ 183 សង្កាត់ទំនប់ទឹក ខណ្ឌចំការមន ភ្នំពេញ | Googlemap