តើអ្នកធ្លាប់មកហាងទាំងអស់នេះជាមួយប៉ាម៉ាក់ជាញឹកញាប់អត់? FoodBuzz ជឿជាក់ថាមានប្រិយមិត្តខ្លះគឺជាហ្វេនរបស់ហាងណាមួយដែលខាង FoodBuzz បានលើកឡើងមកនេះ។ តោះ មើលមើសថាមានហាងរបស់អ្នកទៅជាប្រចាំហ្នឹងអត់!

(លេខរៀងមិនតាមលំដាប់)

 

1. គុយទាវឆ្ងាញ់ក្រោយវិទ្យាល័យសន្ធរម៉ុក

គុយទាវមានច្រើនមុខនៅទីនេះ រួមមានទាំងគុយទាវគ្រឿងសមុទ្រ គ្រឿងក្នុង សាច់គោ សាច់ស្រួយ សាច់ត្រី សាច់ជ្រូក ។ល។ ឯតម្លៃក៏សមរម្យ ពី 8000៛ ឡើងទៅអាស្រ័យលើការកុម្មង់ ។

ទីតាំង៖  ផ្លូវលេខ 253 សង្កាត់ទឹកល្អក់ទី 2 ខណ្ឌទួលគោក រាជធានីភ្នំពេញ | Googlemap

 

2. ហាងគុយទាវ កំពង់ត្រាំ

នៅទីនេះ ជឿថាអ្នកណាក៏ធ្លាប់មកសាកដែរ យ៉ាងហោចណាស់ក៏បានម្តងដែរ។ សាច់គុយទាវគឺថាទន់ ឯទឹកស៊ុបឈ្ងុយឆ្ងាញ់ជាប់មាត់តែម្តង។ ហាងគុយទាវកំពង់ត្រាំ ក៏មានឈ្មោះល្បីខ្លាំងដែរ និងមានបើកជាច្រើនសាខាទៀតផង ។

ទីតាំងដើម៖ សាខាកម្ពុជាក្រោម ផ្ទះលេខ  716-718 មហាវិថីកម្ពុជាក្រោម សង្កាត់ទឹកល្អក់ 1 ខណ្ឌទួលគោក ភ្នំពេញ | Googlemap

 

3. គុយទាវហុកទៀង 168

នៅគុយទាវហុកទៀងល្បីជាងគេគឺសរសៃជើងគោតែម្តង ហើយលក់ដាច់ខ្លាំងបំផុតគឺនៅពេលរសៀល សឹងតែរកកន្លែងចតឡានម៉ូតូមិនចង់បាន ។ មានជម្រើសច្រើនរសជាតិ ហើយចំនុចពិសេសនោះគឺ ទឹកស៊ុបតែម្តង ឆ្ងាញ់មានជាតិហុតដល់បាតចាន។

ទីតាំង៖ ផ្លូវ 134 (កៀនបូរីកីទ្បា) សង្កាត់ផ្សារមិត្តភាព ខណ្ឌ 7 មករា ភ្នំពេញ |  Googlemap

 

4. ចែគាង គុយទាវឆ្ងាញ់

ចែគាងគុយទាវឆ្ងាញ់នៅជាប់គុយទាវហុកទៀង 168 តែម្តង ហើយរសជាតិគុយទាវ និងទឹកស៊ុបគួរឲ្យចាប់ចិត្តមិនចាញ់គ្នា មិនតែប៉ុណ្ណោះសេវាកម្មគឺរហ័សទាន់ចិត្ត។

ទីតាំង៖ ផ្ទះលេខ 152KL  ផ្លូវលេខ 134 សង្កាត់ផ្សារមិត្តភាព ខណ្ឌ 7 មករា ភ្នំពេញ | Googlemap

 

5. គុយទាវផ្សារចាស់ប្រហិតសាច់ជ្រូក

ហាងនេះវិញល្បីឈ្មោះយូរមកហេីយ  អ្នកប្លុកផ្សារចាស់អ្នកណាក៏ស្គាល់ គុយទាវឈ្ងុយឆ្ងាញ់  ជាមួយប្រហិតសាច់ជ្រូក និងសាច់គោនៅហាងគុយទាវផ្សារចាស់ប្រហិតសាច់ជ្រូកហ្នឹងឯង។

ទីតាំង: ផ្លូវលេខ 13 កែងនឹងផ្លូវ 110 សង្កាត់ផ្សារចាស់ ខណ្ឌដូនពេញ ភ្នំពេញ | Googlemap

 

6. គុយទាវអូឬស្សី

គុយទាវមានច្រើនមុខនៅទីនេះ រួម���ានទាំងគ្រឿងសមុទ្រ គ្រឿងក្នុង សាច់គោ សាច់ស្រួយ សាច់ត្រី និងសាច់ជ្រូក។ សាច់គុយទាវទន់ល្មើយ ឯទឹកស៊ុបឈ្ងុយឆ្ងាញ់ជាប់មាត់ ធ្វើមានអ្នកញ៉ាំទៅឡើងហូរហែរសឹងតែមិនមានកន្លែងអង្គុយ។

ទីតាំង៖ ផ្ទះលេខ 142B វិថីឧកញ៉ា ទេពផន សង្កាត់បឹងព្រលឹត ខណ្ឌ 7 មករា ភ្នំពេញ | Googlemap 

 

7. មីគោកឌឿងហែម

ហាងនេះមានកេរ្ដិ៍ឈ្មោះល្បាញល្បីជាង 10 ឆ្នាំហើយ និយាយពីម៉ូតូអ្នកញ៉ាំឡើងហៀរៗឌឿងហែម។ រសជាតិទឹកស៊ុបឆ្ងាញ់មានច្រើនជម្រើសដូចជា សាច់គោ សាច់ជ្រូក គ្រឿងក្នុង ប្រហិតសាច់គោ ប្រហិតសាច់ត្រី បាក់សៀប ឆ្អឹងស៊ុប និង គ្រឿងសមុទ្រគ្រប់មុខទាំងអស់។ ជាពិសេស មីស្រសរបស់ហាងនេះ គឺធ្វើដោយដៃផ្ទាល់តែម្ដង។

ទីតាំង៖ ឌឿងហែមសុកហុក ផ្លូវ 107 កែងផ្លូវ 109 | Googlemap 

 

8. គុយទាវចាក់អង្រែ

ហាងនេះនៅលើផ្លូវជាតិលេខ 2 អ្នកម្ដុំចាក់អង្រែស្គាល់គ្រប់គ្នាតែម្ដង ដោយសារតែទឹឹកស៊ុបមានឱជារស និងសរសៃគុយទាវដ៏ទន់ល្មើយ។ ចំណែកឯសាច់វិញ មានជាច្រើនជម្រើសឲ្យអ្នកជ្រើសរើសដូចជា សាច់គោ សាច់ជ្រូកចញ្រ្ចាំ គ្រឿងក្នុង គ្រឿងសមុទ្រ ប្រហិតសាច់គោ និងសាច់ជាច្រើនទៀត។