ខកង្កែបជាមុខម្ហូបដ៏ពេញនិយមមួយដែលតែងតែត្រូវបានញ៉ាំជាបបរស ដោយសារតែរសជាតិផ្អែមឆ្ងាញ់ ខាប់រមួតចេញពីការរម្ងាស់ស្ករត្នោតខ្មែរ និងគ្រឿងមួយចំនួនទៀត ធ្វើឲ្យវាស៊ីគ្នានឹងបបរស។ តែកន្លែងណា ដែលអ្នកអាចញ៉ាំបបរខកង្កែបបានក្នុងតម្លៃសមរម្យ?

មក បបរខកង្កែប Singapore Hot Frog ត្រូវតែញ៉ាំខកង្កែបប្រចាំហាងហើយត្រូវទេ? ខមានពណ៍ក្រហមក្រម៉ៅ ខាប់រមួត និងមានរសជាតិផ្អែម ប្រៃ មិ​នរងាន់ ត្រូវបានដាក់ក្នុងឆ្នាំងដីតូចល្មមដែលមានកង្កែបមួយកាត់ជាចំនិតៗហើយស្រាប់ងាយស្រួលក្នុងការញាំ។ សម្រាប់មនុស្សម្នាក់ ខរមួយឆ្នាំង បបរមួយ ដឹងតែល្មមម៉ង តែបើមិនទាន់ឆ្អែតថែមទៀតក៏គ្មានបញ្ហា។

អ្វីដែលពិសេសនោះគឺ មិនមែនមានតែមួយរសជាតិ ដូចខបុរាណទេណា​ គឺថាមានដល់ទៅ 6 រសជាតិឯនោះ គឺខកង្កែប Hot Frog, ខកង្កែប Singapore, ខកង្កែប ខ្ចី, ខកង្កែប​ សាតេ, ខកង្កែប ជូរហិរ និង ខកង្កែប ប្រៃហិល។ រសជាតិនីមួយៗសុទ្ធតែខុសគ្នា អាស្រ័យទៅតាមចំនង់ចំនូលចិត្តរបស់អ្នកទទួលទាន។ បើសិនជាអ្នកមិនសូវស្រួលខ្លូន ឬផ្តាសាយ កុំភ្លេច សាកខកង្កែបខ្ចីណា​ ដឹងតែបានឆ្ងាញ់មាត់ផង ហើយស្រស់ថ្លា ឆាប់ជាទៀត។ តែបើចូលចិត្តហឹរ​ ប្រាកដជាយក Hot Frog ហើយមែនអត់?

បបរវិញកាន់តែពិសេស លោកអ្នកអាចមានជំរើសពីរ គឺបបរសធម្មតា និងបបរសស្លឹកតយ។ មើលទៅគួរអោយចង់ញ៉ាំដល់ហើយ។

បបរស និង ខ មិនទាន់គ្រប់ទេ មានទឹកជ្រលក់ទៀតបានអេម។ សម្រាប់ទឹកជ្រលក់វិញ ខនេះ គឺជាដៃគូរពិសេសជាមួយនឹងទឹកស៊ីអៀវខាប់។ ថាខទៅឆ្ងាញ់លែងនិយាយហើយ គ្រាន់តែទឹកស៊ីអៀវនឹង ក៏ឆ្ងាញ់មិនអន់ដែរ។ កុំភ្លេចដាក់ខ្ទឹមសតិចៗ និងម្ទេសផង ធានាថាដឹងតែថែមរហូតហើយ។

ក្រៅពីខ ហាង បបរខកង្កែប Singapore Hot Frog នេះ ក៏មាននូវមុខម្ហូបផ្សែងទៀតសម្រាប់អោយលោកអ្នកផ្លាស់ប្តូររសជាតិផងដែរ។ ម្ហូបទាំងនោះមានដូចជា ឆាក្តៅ, ឆាខ្ចី, ឆាការី, អប់មីសួរ ឬកង្កែបបំពងជាដើម។ ម្ហូបទាំងនោះលោកអ្នកអាចជ្រើសរើសសាច់បានដូចជា កង្កែប, សាច់គោ និងសាច់ជ្រូកជាដើម។ ចំនេញណាស់ ហាងមួយមានរបស់ញាំគ្រប់សព្វ មិនចាំបាច់ចំណាយពេលទៅញាំច្រើនកន្លែងនោះទេ។

សម្រាប់កន្លែងពិសេស ហើយប្លែកបែបនេះ ទាយមើលថា តំលៃប៉ុន្មាន? ខមួយឆ្នាំងត្រឹមតែ 10000 រៀល និង បបរសតែ 1000 រៀលទេ។ ឆាបន្លែរសុទ្ធវិញ​ គឺត្រឺមតែ 5000 ពាន់រៀលប៉ុនោះ។ គិតទៅពិតជាងាយស្រួល ហើយតំលៃសមរម្យទៀត។ លើកក្រោយចេញពី ធ្វើការ ឬត្រលប់មកពីរៀន អត់ដឹងញាំអី កុំភ្លេចបបួលគ្នាមកឆ្ងាញ់នៅ ​បបរកង្កែប Singapore Hot Frog ណា។

តំលៃ៖ ចាប់ពី 10000 រៀល

បើក៖ 3PM – 2AM

ទីតាំង៖ ផ្ទះលេខ 132A, មហាវិថីព្រះនរោត្តម, សង្កាត់ទន្លេរបាសាក់, ខណ្ឌចំការមន, រាជធានីភ្នំពេញ (ទល់មុខហាង សំលៀកបំពាក់ G2000 វិមានឯករាជ្យ) | Googlemap