ស្នាដៃខ្មែរម្ជូរឆ្ងាញ់ សៀមរាប
- ផ្លូវតាភុល ក្រោយការ៉ាស់សាំងកាល់ទិច (ជិតសាលារៀន អារីហ្សូន) ខេត្តសៀមរាប
- 077 80 34 34
នឹកឃើញដល់ម្ជូរ ចង់លាបទឹកមាត់បាត់ហើយ! ចុះទម្រាំតែពេលបានឃើញហាងម្ជូរមួយកន្លែងនេះ ដែលមានអំបិលជ្រលក់គ្រប់ប្រភេទ ជាមួយម្ជូរស្រស់ៗជាច្រើននៅខាងមុខហាងទៀត? ត្រូវម៉ាច់ម៉ង!
ចង់ញុាំអីមានហ្នឹង! មិនថា ស្វាយ ម្កាក់ ត្របែក ពុទ្រា អំពិល ប៉ិគក់ឬ ក៏ម្នាស់នោះទេចង់ញុាំស្រស់ៗក៏បាន ហើយដាក់ក្រឡុកជាមួយនឹងអំបិលរសជាតិពិសេសក៏បាន តាមតម្រូវការរបស់អ្នកហើយជាមួយនឹង តម្លៃ គឺចាប់ពី១ដុល្លាឡើងទៅណា៎!
បើសិនជាជាប់ចិត្តនឹងរសជាតិអំបិលណាមួយក្នុងចំណោមអំបិលដល់ទៅ៣០មុខ រួមមាន អំបិលលីង អំបិលបង្គា អំបិលខ្ទឹម កាពិឆឹងស្ករ ទឹកត្រីស្ករត្នោត ទឹកប្រហុក ទឹកកាពិ ក៏អាចទិញជាដបតូចៗ ឬធំៗ យកមកញ៉ាំនៅផ្ទះក៏បានដែរ។
ចំណែកឯផ្លែឈើស្រស់ៗ (ដូចជាស្ត្រប៊ែរី) និងម្ជូរត្រាំវិញ មានទាំងអនាម័យ និងរសជាតិជាមួយនឹងការវេចខ្ចប់ក្នុងប្រអប់យ៉ាងត្រឹមត្រូវ និងស្រស់ស្អាត ដាក់ក្នុងទូទឹកកយ៉ាងត្រជាក់ស្រេបតែម្តង។ លក្ខណៈថាមួយដុំៗមួយម៉ាត់ៗ ត្រជាក់ក៏ត្រជាក់ ស្រួយក៏ស្រួយ ឆ្ងាញ់ក៏ឆ្ងាញ់!!!
ក្រៅពីម្ជូរស្រស់-ត្រាំ អំបិល-ទឹកជ្រលក់ម្ជូរ ផ្លែឈើស្រស់ៗ ក៏មានលក់អាហារសម្រន់ផ្សេងៗទៀតដូចជា ដំណាប់អំពិល បាញ់ត្រាង នំដុត បាយក្តាំង ជ្រក់ជើងមាន់។ល។ សុទ្ធតែមានរសជាតិពិសេសប្រចាំហាងតែម្តង។
ចុះបើអត់នៅសៀមរាប ធ្វើម៉េចអាចញ៉ាំបានទៅហ្ន៎? កុំបារម្ភអី! ថ្មីៗនេះ ស្នាដៃខ្មែរម្ជូរឆ្ងាញ់ សៀមរាប ក៏ទើបតែបាន និងត្រៀមបើកសាខាថ្មី ទាំងនៅក្នុងខេត្ត និងតាមបណ្តាខេត្តផ្សេងទៀតផងដែរ ដើម្បីសម្រួលដល់អ្នកចង់ញ៉ាំដែរ តែមិនបានមកដល់ទឹកដីសៀមរាប។
By proceeding, you agree to our Terms of Use and confirm you have read our Privacy Policy.