Beancurd in

តោះមកសាកតៅហ៊ូសណ្តែកសរីរាង្គពី Yummy Bean

Yummy Bean គឺជាម៉ាកតៅហ៊ូសណ្តែកថ្មីមួយដែលទើបតែបើកបានប្រមាណជា 3 ខែតែប៉ុណ្ណោះ ប៉ុន្តែរសជាតិនិងគ្រឿងផ្សំធានាថាជាប់ចិត្ត ញុំាមិនណាយ! នៅទីនេះមានលក់នូវប្រភេទតៅហ៊ូសណ្តែក 3 ជម្រើសដូចជា៖ រសជាតិដើម, រសជាតិស្លឹកតយ និង រសជាតិសូកូឡា។ តៅស៊ូសណ្តែកមានរសជាតិផ្អែមលមៗ ឈ្ងុយនូវក្លិនសណ្តែក ដាក់ចូលមាត់ភ្លាមរលាយភ្លាមតែម្តង! ក្រៅពីនេះ Yummy Bean ក៏មានលក់នូវទឹកសណ្តែកពោត និង ទឹកសណ្តែកពណ៌សដែលធានាថាឆ្ងាញ់ ញុំាមិនខកបំណងនោះទេ។ ការជ្រើសរើសសណ្តែកយកមកផលិតត្រូវបានធ្វើឡើងយ៉ាងម៉ត់ចត់ យកតែសណ្តែកក៏ដូចជាគ្រឿងផ្សំធម្មជាតិដទៃដែលស្រស់ៗ យកមកធ្វើភ្លាមៗដោយប្រើប្រាស់រូបមន្តមកពីប្រទេសសិង្ហបូរី។ អនាម័យខ្ពស់ គុណភាពល្អ រសជាតិឆ្ងាញ់ សម្បូរនូវជាតិប្រូតេអ៊ីននិងកាល់ស្យូម សាកសមសម្រាប់មនុស្សគ្រប់វ័យ! ញុំាហើយមិនភ័យលើសជាតិស្ករឬឡើងគីឡូនោះឡើយ! តម្លៃ៖ $1.50 ទីតាំង៖ តាមបណ្តោយរុក្ខវិថីសម្តេចប៉ាន (ផ្លូវលេខ 214), ទល់មុខសាលា ACE សាខាសម្តេចប៉ាន | Google Map 

តៅហ៊ូ និង ទឹកសណ្តែកល្បីប្រចាំអូរឬស្សី បានសាកឬនៅ?

អ្នកនៅម្តុំអូរឬស្សីប្រហែលជាស្គាល់ហាងមួយមានលក់ តៅហ៊ូទឹកស្ករ និងទឹកសណ្តែក ដែលធ្វើពីសណ្តែកសុទ្ធពិតៗតែម្តង។ហាងហ្នឹងបើកប្រហែលជាង 6ទៅ 7ឆ្នាំមកហើយ។ ខាង FoodBuzz យើងក៏បានភ្លក្សតៅហ៊ូនោះដែរ ហើយតម្លៃវិញក៏ទទួលយកបាន។ ញុំាមួយម៉ាត់ហើយចង់ញុំាមួយម៉ាត់ទៀត។ ម្នាក់ៗទិញម្តងសុទ្ឋតែ 5 ប្រអប់ឡើង។ មេឃកំពុងតែក្តៅចឹងត្រូវប៉ាន់ហើយ។ គឺថាក្នុងនោះគេក៏មានលក់ទឹកសណ្តែកសៀងដែលមួយដបតម្លៃ2500៛ ឬឯតៅហ៊ូសណ្តែកសៀងវិញគឺ 4000៛មួយប្រអប់ 5000៛សម្រាប់តៅហ៊ូរសជាតិស្លឹកតយ។ បើក: 7:30AM-7:30PM តម្លៃ: 2500៛សម្រាប់ទឹកសណ្តែក និង4000៛ឡើងទៅសម្រាប់តៅហ៊ូ ទីតាំង៖ ម្តុំផ្សារអូរឬស្សី (ទល់មុខហង្សមាស) | Googlemap