multi-cuisine in

ភោជនីយដ្ឋានមួយក្នុងភ្នំពេញដែលបម្រើអាហារក្នុងភាពងងឹត

រាល់ការញ៉ាំអាហារគឹចាំបាច់ត្រូវតែមានពន្លឺសំរាប់បំភ្លឺ ទោះបីជាអ្នករូម៉េនទិចប៉ុណ្ណា ក៏ត្រូវការភ្លើងទៀនដែរ។ តែជាមួយនឹងភោជនីយដ្ឋានមួយនេះ អ្នកនឹងមិនអាចមើលឃើញម្ហូបដែលអ្នកញ៉ាំបានទេ។ Dine in the Dark គឺជាភោជនីយដ្ឋានមួយដែលបើកក្នុងឆ្នាំ២០១៣ មានប្រភពមកពីក្រុងបាងកក និងយកគំរូតាមភោជនីយដ្ឋានគ្មានពន្លឺជាច្រើននៅលើពិភពលោក។ ស្ថិតនៅកណ្ដាលក្រុងភ្នំពេញ Dine in the Dark នឹងតំរូវអោយភ្ញៀវរបស់ពួកគេទុករបស់ដែលអាចបញ្ចេញពន្លឺ ដូចជាទូរស័ព្ទ នៅខាងក្រៅជាមួយនឹងបុគ្គលិក រួចនឹងមានបុគ្គលិកមួយក្រុមទៀតដែលជាអ្នកនាំផ្លូវអ្នកទៅកាន់កន្លែងញ៉ាំអាហារក្នុងភាពងងឹត។ អ្នកនាំផ្លូវទាំងនោះសុទ្ឋសឹងតែជាជនពិការភ្នែកដែលមកពីសាលាគរថ្លង់របស់អង្គការគ្រួសារថ្មី។ The waiters and waitress await to serve you. បន្ទាប់ពីនោះ អ្នកអាចជ្រើសរើសម្ហូប 3 វគ្គរបស់អ្នកបាន 3 ប្រភេទ ដែលមាន ម្ហូបខ្មែរ ម្ហូបបរទេស និងម្ហូបបួស ក្នុងតំលៃ 18$។ ពេលនោះផងដែរគឺអ្នកនឹងមិនដឹងថាម្ហូបរបស់អ្នកនឹងជាអ្វីនោះទេ លុះត្រាតែបានញ៉ាំផ្ទាល់។ នេះជាបទពិសោធន៍ថ្មីមួយដែលគេហៅថា Dine in the Dark។ ការញ៉ាំអាហារក្នុងភាពងងឹតនេះមិនត្រឹមតែជាបទពិសោធន៍មួយថ្មីប៉ុណ្ណោះទេ គោលបំណងរបស់គេគឹចង់លើកកំពស់ការយល់ដឹងអំពីមនុស្សពិការភ្នែកទៅកាន់មនុស្សទូទៅរួមទាំងចូលរួមចំនែកផ្ដល់ការងារដល់ជនពិការទាំងនេះផងដែរ។ មិនត្រឹមតែប៉ុណ្ណោះ ពួកគេក៏ជឿថានៅពេលដែលញ្ញាណមួយមិនដំណើរការ ញ្ញាណមួយទៀតនឹងមានសមត្ថភាពខ្លាំងជាងមុន នោះគឺមានន័យថានៅពេលដែលយើងមើលម្ហូបមិនឃើញ អណ្ដាតរបស់យើងនឹងមានសមត្ថភាពខ្លាំងជាងមុនក្នុងការទាយពីរសជាតិ និង ឈ្មោះរបស់ម្ហូប។ អាស័យដ្ឋាន៖ ផ្ទះលេខ១២៦ ផ្លូវលេខ១៩ ក្រោយវត្តសារវ័ន្តតេជោ | Google Map  ម៉ោងបើក៖ ៦ដល់១១ល្ងាច តំលៃ៖ 18$/ម្នាក់

ហេតុអ្វីបានជាអ្នកគួរចំណាយពេលថ្ងៃកំណើតរបស់អ្នកនៅ MOJO

ដោយសារតែការធ្វើពិធីខួបកំនើតត្រូវបានគេធ្វើឡើងតែម្តងក្នុងមួយឆ្នាំ អ្នកទាំងអស់ គ្នាប្រាកដជាចង់ បាន ការប្រារព្ធថ្ងៃកំនើតមួយដ៏ល្អវិសេសហើយមែនអត់? ចឹងហើយអាចនឹងធ្វើឲ្យយើងគ្រប់គ្នាគិតច្រើន អំពីវាបើទោះបីជាការធ្វើពិធីនេះត្រឹមតែជាការពិសារអាហារពេលល្ងាច ឫ មួយក៏ជាការជួបជុំគ្នាជាមួយ នឹងមិត្តភ្តិក៏ដោយ។ កុំបារម្ភអីFoodbuzzស្គាល់កន្លែងមួយ ដែលអ្នកទាំងអស់គ្នាមួយចំនួនប្រហែលជា មិនធ្លាប់បានដឹងថាកន្លែងនោះទទួលកក់ទីតាំងសម្រាប់រៀបចំធ្វើពិធីខួបកំនើតទេ នោះគឺ MOJO Pub & Restaurant។ MOJO គឺជាភោជនីយដ្ឋាន និង ផប់មួយដែលមានសេវាកម្មយ៉ាងច្រើនប្រភេទ ដែលមានតាំងពី អាហារ ពេលព្រឹក អាហារព្រឹកថ្ងៃត្រង់ (Brunch) អាហារពេលថ្ងៃត្រង់ និង អាហារពេលល្ងាចផងដែរ។ ហើយ នៅ ក្នុង នោះក៏មាននូវមុខម្ហូបជាច្រើនបែប តាំងពីម្ហូបបែបខ្មែរ បែបថៃ និង បែបបញ្ចឹមប្រទេស ។ អ្វីដែល ធ្វើកាន់តែពិសេសនោះភេសជ្ជៈដែលមាននៅក្នុងហាងមានភាពពិសេស និង ប្លែកៗពីគ្នា។ គួរឲ្យចាប់ អារម្មណ៍ណាស់មែនអត់? ក្រៅពីម្ហូប និង ភេសជ្ជៈដែលមាននៅក្នុងហាង MOJOក៏មាននូវក្រុមតន្ត្រីប្រគុំផ្ទាល់នៅក្នុងហាង ដែលអាចឲ្យអ្នកទាំងអស់គ្នាលំហែរអារម្នណ៍ក្នុងពេលទទួលទានអាហារ។… Read More