Noodle Soup in

4 Places to Have a Bowl of Warming Comfort Noodle Soup for Lunch in Phnom Penh

Have you ever thought of having hot beef noodle soup along with chili sauce for lunch? If yes, do you know the best place to eat? FoodBuzz will guide to 4 places. #1 Sok Mom Noodle Soup Bak Tuk If you happen to be in Bak Tuk area, do not… Read More

មកស្គាល់មីស៊ុប/ខគោហ៊ុតក្ដៅៗ 4 កន្លែងសម្រាប់ម៉ោងបាយថ្ងៃត្រង់

ម៉ោងបាយថ្ងៃត្រង់ដែលនឹកឃើញចង់ញុំាទឹកស៊ុបក្តៅៗហិរៗអត់? ហើយបើចង់ញុំាអញ្ជឹងស្គាល់កន្លែងណាខ្លះ? ម៉ោះ មកស្គាល់កន្លែងដែលអូនប្រាថ្នាទាំងអស់គ្នា! #1 សុខ មុំ គុយទាវខគោបាក់ទូក ជិះកាត់ប្លុកបាក់ទូកកុំអោយរំលងហាងសុខ មុំ មីខគោនេះឲ្យសោះ។ មានមិនត្រឹមតែមីខគោទេ មានទាំងមីគាវ មីសាច់គ្រប់មុខ មីតុងយុំា គុយទាវប្រហិតសាច់គោ និងគុយទាវគ្រឿងក្នុងទៀតផង។ តម្លៃ៖ ចាប់ពី 7000 រៀលឡើងទៅក្នុងមួយចាន។ ទីតាំង៖ ផ្ទះលេខ 277 ផ្លូវ 161 សង្កាត់អូរឫស្សីទី 2 ខណ្ឌ 7 មករា រាជធានីភ្នំពេញ | Googlemap  #2 មី/គុយទាវខគោ គុយទាវប្រហិតសាច់គោសាលាផ្សារដើមថ្កូវ លើផ្លូវ 430 ប្លុកផ្សារដើមថ្កូវយើងហ្នឹងមានលក់បាយម្ហូបកម្មង់ មីខគោ គុយទាវខគោគឺថាឆ្ងាញ់ខ្លាំង។ ថ្វីត្បិតតែតូបលក់តូចក៏ពិតមែនតែរសជាតិឆ្ងាញ់ប្លែកមិនចាញ់តាមហាងប៉ុន្មានទេ ហើយតម្លៃវិញសមរម្យទៀតផង។ តម្លៃ៖ ចាប់ពី 4000 រៀលឡើងទៅ ម៉ោងបើកលក់៖ 8AM… Read More

ចង់ស្គាល់រសជាតិមីគាវនាំចូលពីសឹង្ហបុរិផ្ទាល់ទេ?

FoodBuzz ជឿថាប្រិយមិត្តធ្លាប់ស្គាល់ ធ្លាប់ញ៉ាំហើយមីគាវព្រោះថាមានស្ទើរតែគ្រប់កន្លែងទាំងអស់ហ្នឹង ប៉ុន្ដែថ្ងៃនេះពួកយើងមានហាងមីគាវថ្មីមួយកន្លែងដែលធានាថាអានអត្ថបទនេះហើយ ប្រិយមិត្តដឹងតែចង់ទៅសាកតែម្ដង។  Pontian Wanton Noodle គឺជាហាងមីគាវថ្មីប្រេនមកពីប្រទេសសឹង្ហបុរីដែលទើបតែបើកសាខាដំបូងនៅទីក្រុងភ្នំពេញបន្ទាប់ពីល្បីល្បាញ និងមានសាខាយ៉ាងច្រើននៅប្រទេសសឹង្ហបុរី  ម៉ាឡេសុី និងវៀតណាម។  ចំនុចពិសេសដែលធ្វើឲ្យហាងមីគាវនេះអាចរក្សារសជាតិដើមបាននោះគឺព្រោះថាសរសៃមីនិងសំបកគាវសំរាប់មុខម្ហូបទាំងអស់ក្នុងហាងនេះគឺសុទ្ធតែនាំចូលពីប្រទេសសឹង្ហបុរីផ្ទាល់តែម្ដង ហើយក៏មានតែនៅហាងនេះមួយទីតាំងដែរដែលមានមីនិងគាវមកពីសឹង្ហបុរី។  ពួកយើងបានភ្លក្សមុខម្ហូបប្រចាំហាងយ៉ាងច្រើ់នមុខដែលសុទ្ធតែឆ្ងាញ់ៗ ប្លែកៗគ្នា ហើយអ្វីដែលគួរឲ្យជាប់ចិត្តជាងគេនោះ គឺសរសៃដ៏ល្អិតឆ្មារ ហើយក្លិនឈ្ងុយ ឆ្ងាញ់ប្លែកពីមីធម្មតា ហើយគាវវិញក៏មានទំហំតូចៗជាងគាវធម្មតា ដែលធ្វើឲ្យស្រួលញ៉ាំដាក់មួយម៉ាត់អស់តែម្ដង។ ឆ្អឹងជំនីចំហុយក៏ឆ្ងាញ់ជាប់មាត់ដែរ ឈ្ងុយមានជាតិ ហើយឡើងផុយស្រួលញ៉ាំ ញ៉ាំអស់មួយដុំ ចង់ញ៉ាំមួយដុំទៀតហ្មង! ហើយសំរាប់ឈុតមីវិញគឹមានជាបីប្រភេទ ឈុតមីគាវជាមួយសាច់សាសុីវ ឈុតមីឆ្អឹងជំនីចំហុយ និងឈុតមាន់ចៀនស្រួយ និយាយទៅឆ្ងាញ់ម្យ៉ាងៗម្នាក់ ហើយក្រៅពីម្ហូបក៏មានជាបង្អែម និង ភេសជ្ជៈប្រចាំហាងដែលប្រិយមិត្តគួរតែសាកផងដែរ មានដូចជាបង្អែមស៊ីងហ្គាពូួរ តែក្រូចឆ្មាសុីមួយ ទឹកប៉ោមខៀវគីមប៊ួយ ទឹកផាសិនគីមប៊ួយ និងទឹកមានគីមប៊ួយដែលមានអត្ថប្រយោជន៍ជួយឲ្យត្រជាក់ក្នុងទៀតផង។ បើមិនចង់ទៅដល់ហាង ឆ្ងាយពីផ្ទះ អាចកម្ម៉ង់ដឹកដល់ផ្ទះ ឬទីកន្លែងដែលអ្នកចង់បាន តាមរយះ InstafoodKH និង The Speed Delivery… Read More

ផាកកាហ្វេចេញឈុតមីគ្រឿងសមុទ្រ Scallop សម្រាប់ខែឧសភានេះ

ក្រៅពីសំបូរដោយអាហាររសជាតិឈ្ងុយឆ្ងាញ់ជាច្រើនមុខហើយ ផាកកាហ្វេត្រូវបានគេស្គាល់ថាជាភោជនីយដ្ឋានគំរូមួយប្រចាំប្រទេសកម្ពុជា ដែលបានបំរើជូនអតិថិជននូវម្ហូបអាហារគ្មានប៊ីចេង តែនៅរក្សាជាតិឈ្ងុយឆ្ងាញ់ជូនអតិថិជនដដែល។ សម្រាប់ខែឧសភានេះដែរ ផាកកាហ្វេបានរៀបចំសម្រិតសម្រាំងយ៉ាងពិសេសនូវមុខអាហារថ្មី រួមទាំងអាហារសម្រន់រសជាតិថ្មី និងបានរៀបចំរួមគ្នាផងដែរនូវអាហារជាឈុត ដែលអតិថិជននឹងរីករាយជាមួយអាហារថ្មីនេះ ដោយបានធ្វើការបញ្ចុះតម្លៃសម្រាប់អតិថិជនដែលកម្ម៉ងជាឈុតតែម្តង។ សម្រាប់អាហារថ្មីប្រចាំខែនេះមាន មីគ្រឿងសមុទ្រពិសេស, គាវសាច់ជ្រូក, រួមទាំងឈុតមីគ្រឿងសមុទ្រពិសេស  ជាមួយការយកចិត្តទុកដាក់ជាពិសេសតាំងពីការជ្រើសរើសយកគ្រឿងសមុទ្រមានដូចជា៖ បង្គា, សាច់ខ្យង(Scallop) គឺត្រូវបានត្រួតពិនិត្យយ៉ាងម៉តចត់រកនូវសារធាតុគីមី ដែលធានាថាគឺគ្មានសារធាតុទាំងនោះ១០០%។ ក្រៅពីគ្រឿងសមុទ្រស្រស់ហើយ អាហារថ្មីប្រចាំខែឧសភានេះ ក៏នៅមានប្រហិតត្រីចៀនថ្មីៗ មីពងមាន់សរសៃតូច ដែលជាផលិតផលរបស់ខ្មែរ ផលិតមានអនាម័យ និង តាមស្តង់ដាថ្នាក់ជាតិ ដោយមានបន្ថែមបន្លែព៌ណបៃតង ស្ពៃតៃវ៉ាន និងផ្កាគូឆាយស្រុះៗថ្មី ដាក់រួមគ្នាក្នុងចានតែមួយ ធានាថាលោកអ្នកពិតជាចូលចិត្តនូវរសជាតិថ្មីនេះ។ លោកអ្នកអាចស្វែងរករសជាតិអាហារថ្មីនេះបាននៅគ្រប់សាខាផាកកាហ្វេទាំង១០ និងមានសេវាដឹកជូនដល់ទីកន្លែងរបស់អតិថិជនផងដែរ ដែលមានលេខទូរសព្ទ ០២៣ ៩២០ ៩២០។

Park Café ចេញឈុតគុយទាវប្រហិតសាច់ស្រួយថ្មី ធានាម៉ាឆ្ងាញ់

បើនិយាយអំពីអាហារប្រភេទគុយទាវ និង អាហារប្រភេទស៊ុបគឺជាអាហារពេលព្រឹកដ៏ពេញនិយមសំរាប់ប្រជាជនកម្ពុជា ហើយមានសារៈសំខាន់បំផុតសម្រាប់សុខភាព បន្ថែមថាមពលខួរក្បាល កំលាំងកាយដើម្បី ប្រកបការងារដ៏ជោគជ័យ។ យ៉ាងណាមិញអាហារប្រភេទនេះ “គុយទាវ” គឺមានលក់នៅគ្រប់ភោជនីយដ្ឋាន  អាហារដ្ឋាន  ហាងអាហារនានានៅភ្នំពេញ និងនៅតាមបណ្តាលខេត្តនានាពាសពេញប្រទេសកម្ពុជា។ គុយទាវដែលគេតែងតែនិយមបរិភោគនេះ គឺមិនអាចខ្វះបានឡើយនូវទឹកស៊ុបដែលមានរសជាតិឈ្ងុយឆ្ងាញ់ ដោយឡែកនៅភោជនីយដ្ឋានផាកកាហ្វេវិញ លោកអ្នកពិតជាបានដឹង និងទទួលស្គាល់ហើយអំពីរសជាតិរបស់ទឹកស៊ុបគុយទាវ និង អាហារដែលមានអតិថិជនមួយលាននាក់នៅទីក្រុងភ្នំពេញបានទទួលទានជាប្រចាំ ដោយហេតុថាមានរសជាតិឈ្ងុយឆ្ងាញ់ដោយមិនប្រើប៊ីចេង ពិសេសដំបូងគេ និងជាគំរូដ៏ល្អសម្រាប់ភោជនីយដ្ឋានផ្សេងៗផងដែរ។ ជាក់ស្តែងសម្រាប់ខែមិនានេះ ភោជនីយដ្ឋានផាកកាហ្វេទាំង១០សាខាក្នុងក្រុងភ្នំពេញបានដាក់លក់នូវគុយទាវរសជាតិឈ្ងុយឆ្ងាញ់ថ្មី ដែលនៅគ្រប់ជំនាន់តែងតែគាំទ្រនោះគឺ ឈុតគុយទាវប្រហិតសាច់ស្រួយ  មានទឹកស៊ុបឈ្ងុយឆ្ងាញ់ ជាមួយក្លិនដ៏ប្រហើរ ពិសេសប្រើជាមួយសាច់គោសាច់ស្រួយស្រស់ៗ  និងបន្ថែមបរិមាណប្រហិតសាច់គោច្រើនខុសពីគុយទាវប្រហិតធម្មតា ព្រមទាំងបន្លែនៅក្នុងចានមានស្ពៃតៃវ៉ាន់ ខ្ទឹមបារាំង គ្រឿងជីខ្ទឹមបំពងច្រើនមុខបញ្ចូលគ្នាក្នុងចានតែ អ្វីដែលលើសពីនេះ គឺអមដោយស៊ុបពងមាន់ស្រែក្តៅៗ ដែលលោកអ្នកទទួលទានហើយ នឹងទទួលបាននូវកំលាំងថាមពល ដាក់បន្ថែមរសជាតិកាន់តែឆ្ងាញ់ទៀតជាមួយគាវបំពងក្តៅស្រួយៗ សម្រាប់អតិថិជនជាពិសេស។ គួររំលឹកផងដែលថាឆ្លងតាមការបកស្រាយបង្ហាញពីអ្នកបច្ចេកទេសជំនាញជិត១៥ឆ្នាំលើការចំអិនទឹកស៊ុបគុយទាវប្រចាំភោជនីយដ្ឋានផាកកាហ្វេ ថាភោជនីយដ្ឋាននេះមានរូបមន្តដ៏ត្រឹមត្រូវបំផុត និងពិសេសដែលបង្កើនរសជាតិនៃទឹកស៊ុបជាមួយគ្រឿងទេសល្អៗ ពីធម្មជាតិ សាច់ស្រស់ៗ មានអនាម័យជាមួយការរំងាស់ទឹកស៊ុបដែលបានកំណត់ភ្លើងនិងរយៈពេលយ៉ាងម៉ត់ចត់បំផុតដើម្បីសម្រេចបានជាទឹកស៊ុបល្អបំផុតសម្រាប់អតិថិជន។   សម្រាប់ឈុតគុយទាវប្រហិតសាច់ស្រួយមានបំរើជូនលោកអ្នកគ្រប់សាខាផាកកាហ្វេ លើកលែងតែសាខាក្នុងព្រលានយន្តហោះអន្តរជាតិភ្នំពេញប៉ុណ្ណោះ។

មីខគោសុខមុំ ល្បីតាំងពីបាក់ទូករហូតដល់ K63

អ្នកណាគេខ្លះចូលចិត្តញុំាមីខគោ? មីខគោសុខមុំ ជាហាងមីខគោដែលមានភាពល្បីល្បាញខ្លាំងនៅម្តុំបាក់ទូក។ អ្វីដែលពិសេសអំពីមីខគោនៅហាងនេះគឺថា តម្លៃសមរម្យហើយមានមីច្រើន សាច់ច្រើន ប្រហិតក៏ច្រើនទៀត។ អ្វីដែលអស្ចារ្យជាងនេះទៅទៀតគឺ ទឹកស៊ុបខគោដែលមានរសជាតិឆ្ងាញ់អស្ចារ្យ ញុំាហើយចង់ញុំាទៀត។ ក្រៅពីមីខគោ នៅហាងនេះក៏មានលក់នូវ មីតុងយុំា ដែលឆ្ងាញ់ពិសេស ហើយលោកអ្នកក៏គួរតែសាកផងដែរ។ ថ្មីៗនេះ ហាងនេះក៏បានបើកលក់នៅ អាហាដ្ឋានរទេះ K63 ផងដែរ ហើយក៏កំពុងទទួលបានការគាំទ្រយ៉ាងច្រើននៅទីនោះដូចគ្នា។ កុំភ្លេចណា បើចង់ញុំាមីខគោ កុំភ្លេចគិតដល់ មីខគោសុខមុំ!   តម្លៃ៖ ៧៥០០៛ សម្រាប់មីខគោ និង ៨៥០០៛ សម្រាប់មីតុងយុំា។ ទីតាំង៖ នៅលើកែងផ្លូវ 161 ក្រោយវិទ្យាល័យបាក់ទូក | Googlemap និង នៅក្នុង អាហាដ្ឋានរទេះ K63 | Googlemap 

មីគោកស្រស់ឌឿងហែមសុកហុក ល្បីជាង 10 ឆ្នាំរសជាតិមិនដូរ

អ្នកណាខ្លះពេលទៅញ៉ាំអាហារពេលព្រឹកនៅតាមហាងគុយទាវរាល់ដង ចូលចិត្តកុម្ម៉ង់មីដុំស៊ុប ឬក៏មីគោក? ចូលចិត្តញ៉ាំមីដុំអញ្ចឹង ថ្ងៃនេះត្រូវប៉ាន់ហើយ ព្រោះ FoodBuzz នឹងណែនាំកន្លែងមីគោកមួយកន្លែងយ៉ាងពិសេស នៅម្ដុំផ្លូវសុកហុក ផ្សារអូរឬស្សីយើងនេះ ដែលលក់មីគោក ល្បីឈ្មោះជាង 10 ឆ្នាំមកហើយ។ ចំនុចពិសេសដែលធ្វើឲ្យហាងមីគោកនេះល្បីដាច់គេ និង មានម៉ូយយ៉ាងច្រើន រហូតដល់ឌឿងហែមមួយកំណាត់នេះគឺពេញដោយម៉ូតូអ្នកមកញុំាំមីគោកនេះរាល់ព្រឹក គឺរូបមន្ដមីស្រស់ពិសេសដែលធ្វើថ្មី ដោយដៃជារៀងរាល់ថ្ងៃ ដែលមានឱជារសយ៉ាងឈ្ងុយឆ្ងាញ់អស្ចារ្យ   ធានាថាប្លែកពីរសជាតិមីដុំដែលអ្នកធ្លាប់ញុំារាល់ដងតែម្ដង។  ហើយសំរាប់ជំរើសស៊ុបវិញអ្នកអាចរើសជាសាច់គោ សាច់ជ្រូក គ្រឿងក្នុង ប្រហិតសាច់គោ ប្រហិតសាច់ត្រី បាក់សៀប ឆ្អឹងស៊ុប និង គ្រឿងសមុទ្រគ្រប់មុខទាំងអស់។ Tip: បើចង់ញ៉ាំ ទៅឲ្យព្រលឹមតិចទៅណា ព្រោះថាតែចាប់ពីម៉ោង 8:30-9:00 ព្រឹកអីទៅអ្នកមកញ៉ាំ និង ខ្ចប់ច្រើនណាស់ ហើយកុំភ្លេចកុម្ម៉ង់ មីឌុបណាព្រោះថាកុំឲ្យពិបាកញុំាមួយចានចាប់មាត់ហើយត្រូវរង់ចាំមួយចានទៀត! មួយទៀតគឺ ពិបាកកន្លែងចតទ្បានបន្តិច ព្រោះនៅឌឿងហែម ដូច្នេះយល់ល្អជិះម៉ូតូទៅស្រួលជាង!   ទីតាំង៖ ឌឿងហែមសុកហុក ផ្លូវ… Read More

តោះមកសាកមីគោកបួនរសជាតិម្តងមើល

ឃ្លានតែមិនដឹងថាចង់ញ៉ាំអី? ធុញនឹងពាក្យថាញ៉ាំអីក៏បាន? ឃ្លានតែមិនចង់ញ៉ាំអីដែលធ្វើឲ្យឆ្អែតពេក? Okay តោះទៅសាកមីគោកបួនរសជាតិ នៅខាងក្រោយសាលាយុគន្ធរ ទាំងអស់គ្នា! ដូចឈ្មោះហាងអញ្ចឹង ហាងនេះមានមីគោកចំនួន 4 រសជាតិគឺ មីទាខ្វៃ មីសាច់សាស៊ីវ មីសាច់ផាក់ឡូវ និង មីគាវ។   រសជាតិសុទ្ធតែឆ្ងាញ់ដូចគ្នាតែឆ្ងាញ់ជាងគេគឺ ផ្សំទាំង4រសជាតិចូលគ្នាក្នុង1ចាន។ មិនមែនតែឆ្ងាញ់ទេ តែវាក៏ជួយកាត់បន្ថយការសម្រេចចិត្តរបស់យើងមួយកម្រិតធំទៀត ជាពិសេសលើពាក្យ “មិនដឹងញ៉ាំអី” ព្រោះក្នុង1ចាននោះមាន មី គាវ សាច់សាស៊ីវ សាច់ទា សាច់ផាក់ឡូវ និង បន្លែ សរុបទៅគឺសុទ្ធតែរបស់ឆ្ងាញ់ក្នុងចានតែមួយតែម្តង! អូ៎! ហើយគេឲ្យស៊ុបមួយចានទៀត ក្នុងស៊ុបហ្នឹងមានឆ្អឹងស៊ុបទៀត! កប់! និយាយទៅ ញ៉ាំហើយដឹងតែចង់មកសាកម្តងទៀត ព្រោះសាច់មីក៏ទន់ សាច់គាវក៏ឆ្ងាញ់ សាច់ផ្សេងៗញ៉ាំទៅក៏ចាប់មាត់ជីបៗ ពិតជាធ្វើឲ្យពិបាកក្នុងការចង់សម្រកទម្ងន់។   អូ៎ភ្លេច! បើអត់សូវចេះញ៉ាំហិរទេ កុំដាក់ម្ទេសម៉ដ្ធច្រើនពេក ប្រយ័ត្នក្រហល់ក្រហាយពេញមួយថ្ងៃ នេះនិយាយតាមបទពិសោធន៍ផ្ទាល់ពិតៗ!   ទីតាំង៖… Read More