Omelette in

សាកនំបុ័ង Omelette ឆ្ងាញ់នៅផ្លូវភ្លោះអូរឬស្សី

អាហារពេលព្រឹករាល់ថ្ងៃញ៉ាំតែបាយស្រូប គុយទាវដដែលៗ ទ្រលាន់ណាស់មែនហ្អេ៎? ខំគិតរិះរកអាហារពេលព្រឹកអីប្លែកដែរប៉ុន្ដែនឹកគិតមិនឃើញសោះ មិនដឹងគួរញ៉ាំអីឲ្យឆ្ងាញ់មាត់ ហើយប្លែកម្ដង។ បើអញ្ចឹងអ្នករកអុសប្រទះចង្រ្កានហ្គាសហើយ ព្រោះថ្ងៃនេះ FoodBuzz មានអាហារពេលព្រឹកមួយមុខមកណែនាំជូនប្រិយមិត្តអ្នកអានជាពិសេសតែម្ដង។ អ្នកណាខ្លះស្គាល់ ឬ ធ្លាប់ភ្លក្សរសជាតិនំបុ័ង Omelette នេះ? នំបុ័ង Omelette នេះគឺជាមុខម្ហូបអាហារពេលព្រឹកពិសេសប្រចាំត្រកូលនៅអាហារដ្ឋានផ្លូវភ្លោះ ដែលអ្នករស់នៅម្ដុំផ្សារអូរឬស្សីភាគច្រើនស្គាល់ និង ធ្លាប់បានញ៉ាំព្រោះថាអាហារដ្ឋាននេះល្បីឈ្មោះយូរមកហើយមិនតិចជាង 10 ឆ្នាំទេ។ និយាយពីនំបុ័ងOmelette នេះគឺជាសាច់ប៉ាតេ ការ៉ុត និង ដំឡូងបារាំងឈូសជាចំនិតតូចៗ លាយជាមួយផ្សិតខ្មៅខ្ចប់ពីក្រៅដោយពងទាចៀន ដែលគេញុំជាមួយនំបុ័ងដើមក្ដៅស្រួយៗ លាបជាមួយនឹងប៊ឺរ រសជាតិវិញក៏ឆ្ងាញ់ប្លែកមាត់ ហើយបើសំរាប់អ្នកចូលចិត្តញ៉ាំនំបុ័ងសាច់វិញដឹងតែត្រូវចិត្តហ្មង! ក្រៅពីនំបុ័ង Omelette នេះ ក៏មានមុខម្ហូបផ្សេងទៀតដែលសុទ្ធតែល្បីប្រចាំអាហារដ្ឋានផ្លូវភ្លោះនេះដូចគ្នាន មានដូចជា បាយស្រូបសាច់មាន់ បាយស្រូបសាច់ជ្រូក និង ស៊ុបខួរជ្រូកជាដើម។ ទៅសាកមើលទៅ ធានាថាដឹងតែប្លែកនឹងជាប់ចិត្តតែម្ដង! ទីតាំង៖ អាហារដ្ឋានផ្លូវភ្លោះ ផ្ទះលេខ 77Eo ផ្លូវ 214កែងផ្លូវ… Read More