piccola in

ចង់ញុំាភីហ្សាថោក ហើយឆ្ងាញ់ ទៅញុំានៅ Piccola

ភីហ្សាជាអាហាររបស់ជនជាតិអ៊ីតាលីដែលទទួលបានភាពនិយមស្ទើរនៅគ្រប់ប្រទេសទូទាំងពិភពលោក ហើយក្នុងកម្ពុជាយើងក៏មានសន្ទុះអ្នកញុំាមិនអន់ដែរ។   ភោជនីយដ្ឋានដែលយើងតែងតែនិយមទៅញុំាជាមួយមិត្តភក្តិ និង ក្រុមគ្រួសារនោះគឺគ្មានកន្លែងណាក្រៅពី The Pizza Company, Domino’s Pizza នោះទេ ដូច្នេះថ្ងៃនេះ FoodBuzz សុំលើកទីតាំងហាងភីហ្សាមួយកន្លែង ដែលចម្អិនរសជាតិភីហ្សាតាមរសជាតិដើមពីអ៊ីតាលី តម្លៃថោក មានរសជាតិឆ្ងាញ់ ហើយមានបរិយាកាសប្លែកខុសពីហាងដទៃទៀតផង។   Piccola Italia da Luigi ជាភោជនីយដ្ឋានលក់ភីហ្សាអ៊ីតាលី ដែលមានទីតាំងនៅខាងក្រោយភោជនីយដ្ឋានម្លិះ ពោលគឺនៅជិតតំបន់ Bassac Lane ឋិតក្នុងខណ្ឌចម្ការមន។ ភាពខុសប្លែករបស់ហាង Piccola Italia da Luigi បើប្រៀបធៀបទៅហាងដទៃនោះគឺត្រង់ ទីតាំងរបស់ភោជនីយដ្ឋាននៅក្នុងផ្ទះល្វែងតូចល្មមមួយ ហើយតុវិញគឺតម្រៀបចេញមកខាងក្រៅ នៅលើចិញ្ចើមផ្លូវតែម្តង ដូច្នេះមានន័យថា អ្នកញុំានឹងទទួលបានបទពិសោធន៍ប្លែកមួយ គឺដូចជាការញុំាភីហ្សាតាមចិញ្ចើមថ្នល់ដូច្នោះដែរ។   ស្រូបយកខ្យល់បរិយាកាសពេលល្ងាចត្រជាក់ល្មមដោយមិនត្រូវការម៉ាស៊ីនត្រជាក់ និយាយគ្នាជាមួយមិត្តភក្តិបណ្តើរ ញុំាភីហ្សាបណ្តើរ មើលអ្នកដំនើរឆ្លងកាត់បណ្តើរ ច្បាស់ជាមិនងាយរកបានបរិយាកាសបែបនេះនៅក្នុងទីក្រុងដ៏រវល់មួយនេះទ្បើយ។ ឥលូវយើងនិយាយចូលដល់រសជាតិភីហ្សាវិញម្តង ចូលចិត្តទៅកន្លែងណាមួយ… Read More