Roasted Duck in

ញ៉ាំមីគាវ Pontian រសជាតិពីសឹង្ហបុរីក្នុងតម្លៃពិសេស

ប្រិយមិត្តច្បាស់ជាធ្លាប់បានអានអត្ថបទមីគាវដែល FoodBuzz បានសរសេរលើកមុនម្តងហើយ។ ដូចដែលប្រិយមិត្តបានដឹងពីអត្ថបទលើកមុននិយាយអំពីមីគាវ និងសំបកគាវមានប្រភពមកពីប្រទេសសឹង្ហបុរី។ អញ្ចឹងបើចង់ញ៉ាំមិនបាច់ចាំទៅដល់សឹង្ហបុរីអីទេ ទៅតែត្រឹម Pontian Wanton Noodle នៅម្តុំផ្សារថ្មីក៏បានញ៉ាំដែរ! នៅទីនេះមានម្ហូបប្រចាំហាងចំនួន 3 គឺ មីគាវសាច់សាស៊ីវ មីឆ្អឹងជម្នីជ្រូកចំហុយ មីសាច់មាន់ចៀនស្រួយ ដែលយើងអាចរើសយករសជាតិបានដូចជា រសជាតិម្ទេសជាមួយស៊ីអ៊ីវខ្មៅ ទឹកម្ទេស ទឹកប៉េងប៉ោះ និងទឹកស៊ីអីវខ្មៅ។ អ្វីដែលពិសេសនោះ គឺរាល់ការកុម៉្មង់មីប្រភេទណាមួយ ប្រិយមិត្តនឹងទទួលបានទឹកក្រូចឆ្មារជាមួយគីមប៊ួយ ទឹកផាសិនជាមួយគីមប៊ួយ រឺទឹកមៀនជាមួយគីមប៊ួយមួយកែវ ដោយគ្រាន់តែបន្ថែម $1 ពីលើប៉ុណ្ណោះ។ យើងក៏អាចហៅអាហារបន្ទាប់បន្សំផ្សេងៗដូចជា ឆ្អឹងជម្នីជ្រូកចំហុយ គាវចៀន សាច់មាន់ចៀនស្រួយ គាវពិសេស សាច់សាស៊ីវ និងស៊ុបគាវផងដែរ។ FoodBuzz បានសាកគ្រប់មុខរួចហើយ! សំរាប់អ្នកចូលចិត្តហឹរ អាចញ៉ាំមីគាវសាច់សាស៊ីវ ឬ មីសាច់មាន់ចៀនស្រួយបាន។ ឯអ្នកអត់សូវចេះញ៉ាំហឹរ អាចញ៉ាំមីឆ្អឹងជម្នីជ្រូកចំហុយបានដែលមានទឹកប៉េងប៉ោះស្រោចពីលើ។ សាច់មីទន់ ហើយចូលជាតិជាមួយគ្រឿងផ្សំឆ្ងាញ់ល្មម។ ចំណែកគាវចៀន និងសាច់មាន់ចៀនស្រួយមានរសជាតិរឹតតែឆ្ងាញ់ នៅពេលដែលបានជ្រលក់ជាមួយទឹកជ្រលក់ពិសេសប្រចាំហាង។… Read More

បាយទាខ្វៃឆ្ងាញ់មួយកន្លែងលាក់ខ្លួនក្នុងភ្នំពេញ

មិនប្រាកដថាអ្នកធ្លាប់លឺពីកន្លែងមួយនេះទេ ប៉ុន្តែវាជាកន្លែងបាយទាខ្វៃដែលល្បីគ្រាន់បើនៅភ្នំពេញ ហើយដែលគេតែងហៅថាបាយទាខ្វៃ តាំង លឹមហួត ឬ បាយទាក្រោយ Phnom Penh Tower។ ក្នុងតម្លៃ 8000រៀល មួយចាន យើងនឹងបានបាយសាច់ទាដ៏ទំនងមួយចាន ជ្រក់ និង ស៊ុបមួយកូនចាន។ សាច់ទាក៏ឆ្ញាញ់ មិនស្រួយពេក ហើយមានរសជាតិឆ្ងាញ់ ហើយបាយហ្នឹងទៀត! ពួកគាត់បើកលក់តាំងពីព្រឹក តែភាគច្រើនប្រហែលត្រឹមម៉ោង 12:30 ថ្ងៃត្រង់អីអស់សាច់ទាហើយ។ តែកន្លែងនេះក៏មានលក់អីផ្សេងដែរដូចជាបាយមាន់ សាច់សាស៊ីវ និង ស៊ុបខួរជ្រូក គ្រាន់តែល្បីជាងគេគឺបាយទាខ្វៃហ្នឹងឯង។ ទៅសាកកុំឲ្យខានណា ដឹងតែញ៉ាំម្តងហើយចង់ទៅទៀតតែម្តង! ទីតាំង: #26, St. 232 ទល់មុខសណ្ឋាគារ Green Palace តម្លៃ: 8000រៀល