singaporean in

ចង់ញ៉ាំឡាក់សា ឬ ស៊ាំបាល់? Yi Fang Kitchen មានបម្រើអាហារសាំងហ្គាពួរ-ម៉ាឡេស៊ីដ៏សម្បូរបែប

ធ្លាប់ចង់ដើរលេងប្រទេសសិង្ហបុរី ភ្លក្សអាហារប្រចាំប្រទេសឆ្ងាញ់ៗអត់? ពេលនេះក្តីសុបិន្តបានក្លាយជាការពិត(ពាក់កណ្ដាល)ហើយ ព្រោះភោជនីយដ្ឋានអ៊ីហ្វាងឃីតឆេនដែលជាភោជនីយដ្ឋានមួយដែលទើបតែមានវត្តមាននៅក្នុងក្រុងភ្នំពេញបាននាំមកនូវអាហារសិង្ហបុរីជាច្រើនសម្រាប់បម្រើជូនអតិថិជនរបស់ពួកគេ។ Yi Fang Kitchen មានបម្រើនូវម្ហូបអាហារសាំងហ្គាពួរជាច្រើន តែដំបូងពួកយើង សូមណែនាំម្ហូបគ្រោងប្រចាំហាងជាមុនសិន។ អាហារដំបូងជាអាហាររបស់ប្រទេសម៉ាឡេស៊ីដែលល្បីនៅប្រទេសសិង្ហបុរីមិនណយនោះទេ គឺ Laksa។  នរណាខ្លះអត់ដែលស្គាល់ឡាក់សា? អ្នកដែលធ្លាប់ទៅលេងប្រទេសម៉ាឡេស៊ី ឬ សិង្ហបុរីច្បាស់ជាបានសាកមីស៊ុបហឹរឈ្ងុយឆ្ងាញ់នេះហើយ។ ឥឡូវនេះ រសជាតិមិនអាចបំភ្លេចបាននេះមកដល់ស្រុកខ្មែរហើយគឺនៅ Yi Fang តែមួយគត់! អាហារបន្ទាប់នោះគឺស្រដៀងទៅនឹង Laksa ដែរ គឺ Sambal ដែលមានប្រភពដើមនៅក្នុងប្រទេសឥណ្ឌូនេស៊ី ត្រូវបានគេស្គាល់យ៉ាងទូលំទូលាយនៅក្នុងប្រទេសសិង្ហបុរី។ Yi Sang Kitchen ក៏បានយកគ្រឿងនេះមកច្នៃជាបាយឆាឈ្ងុយឆ្ងាញ់ជាមួយស៊ុបគាវដ៏មានឱជារស។ ប្រសិនបើប្រិយមិត្ត មិនសូវចង់ឡាក់សា ឬ ស៊ាំបាល់ នៅទីនេះក៏អ្នកអាចញ៉ាំបាននៅប្រភេទមីឆា។ មិនថាអ្នកចូលចិត្ត មីគាវ មីហុកគាំង ឬ គុយទាវទេគឺមក Yi Fang Kitchen មិនខកបំណងឡើយ ព្រោះពួកគេបានលក់មីឆាជាច្រើនប្រភេទសម្រាប់តម្រូវរសជាតិរបស់ភ្ញៀវនីមួយៗ។ Tip ពី… Read More

ចង់ស្គាល់រសជាតិមីគាវនាំចូលពីសឹង្ហបុរិផ្ទាល់ទេ?

FoodBuzz ជឿថាប្រិយមិត្តធ្លាប់ស្គាល់ ធ្លាប់ញ៉ាំហើយមីគាវព្រោះថាមានស្ទើរតែគ្រប់កន្លែងទាំងអស់ហ្នឹង ប៉ុន្ដែថ្ងៃនេះពួកយើងមានហាងមីគាវថ្មីមួយកន្លែងដែលធានាថាអានអត្ថបទនេះហើយ ប្រិយមិត្តដឹងតែចង់ទៅសាកតែម្ដង។  Pontian Wanton Noodle គឺជាហាងមីគាវថ្មីប្រេនមកពីប្រទេសសឹង្ហបុរីដែលទើបតែបើកសាខាដំបូងនៅទីក្រុងភ្នំពេញបន្ទាប់ពីល្បីល្បាញ និងមានសាខាយ៉ាងច្រើននៅប្រទេសសឹង្ហបុរី  ម៉ាឡេសុី និងវៀតណាម។  ចំនុចពិសេសដែលធ្វើឲ្យហាងមីគាវនេះអាចរក្សារសជាតិដើមបាននោះគឺព្រោះថាសរសៃមីនិងសំបកគាវសំរាប់មុខម្ហូបទាំងអស់ក្នុងហាងនេះគឺសុទ្ធតែនាំចូលពីប្រទេសសឹង្ហបុរីផ្ទាល់តែម្ដង ហើយក៏មានតែនៅហាងនេះមួយទីតាំងដែរដែលមានមីនិងគាវមកពីសឹង្ហបុរី។  ពួកយើងបានភ្លក្សមុខម្ហូបប្រចាំហាងយ៉ាងច្រើ់នមុខដែលសុទ្ធតែឆ្ងាញ់ៗ ប្លែកៗគ្នា ហើយអ្វីដែលគួរឲ្យជាប់ចិត្តជាងគេនោះ គឺសរសៃដ៏ល្អិតឆ្មារ ហើយក្លិនឈ្ងុយ ឆ្ងាញ់ប្លែកពីមីធម្មតា ហើយគាវវិញក៏មានទំហំតូចៗជាងគាវធម្មតា ដែលធ្វើឲ្យស្រួលញ៉ាំដាក់មួយម៉ាត់អស់តែម្ដង។ ឆ្អឹងជំនីចំហុយក៏ឆ្ងាញ់ជាប់មាត់ដែរ ឈ្ងុយមានជាតិ ហើយឡើងផុយស្រួលញ៉ាំ ញ៉ាំអស់មួយដុំ ចង់ញ៉ាំមួយដុំទៀតហ្មង! ហើយសំរាប់ឈុតមីវិញគឹមានជាបីប្រភេទ ឈុតមីគាវជាមួយសាច់សាសុីវ ឈុតមីឆ្អឹងជំនីចំហុយ និងឈុតមាន់ចៀនស្រួយ និយាយទៅឆ្ងាញ់ម្យ៉ាងៗម្នាក់ ហើយក្រៅពីម្ហូបក៏មានជាបង្អែម និង ភេសជ្ជៈប្រចាំហាងដែលប្រិយមិត្តគួរតែសាកផងដែរ មានដូចជាបង្អែមស៊ីងហ្គាពូួរ តែក្រូចឆ្មាសុីមួយ ទឹកប៉ោមខៀវគីមប៊ួយ ទឹកផាសិនគីមប៊ួយ និងទឹកមានគីមប៊ួយដែលមានអត្ថប្រយោជន៍ជួយឲ្យត្រជាក់ក្នុងទៀតផង។ បើមិនចង់ទៅដល់ហាង ឆ្ងាយពីផ្ទះ អាចកម្ម៉ង់ដឹកដល់ផ្ទះ ឬទីកន្លែងដែលអ្នកចង់បាន តាមរយះ InstafoodKH និង The Speed Delivery… Read More

បបរកង្កែបម៉ាន់ជូបើកសាខាថ្មីនៅផ្លូវព្រះមុនីវង្ស បន្ថែមមុខម្ហូបឆ្ងាញ់ៗដែលអ្នកមិនធ្លាប់ដឹង

ខែឧស្សាហ៍ភ្លៀងសឹងតែរាល់ល្ងាចអញ្ចឹង គ្មានអ្វីឆ្ងាញ់ជាងបបរកង្កែបក្ដៅៗទេ ត្រូវទេប្រិយមិត្ត FoodBuzz? ដោយសារអញ្ចឹងហើយទើបថ្ងៃនេះ FoodBuzz ពាំនាំនូវដំណឺងល្អមួយមកប្រាប់សំរាប់អ្នកស្នេហាបបរកង្កែបមិនប្ដូរផ្ដាច់ទាំងឡាយ ព្រោះថាពេលនេះភោជនីយដ្ឋានម៉ាន់ជូ ដែលជាហាងបបរកង្កែបដំបូងគេនៅកម្ពុជានេះទើបតែបើកសាខាថ្មីស្រឡាងនៅតាមបណ្ដោយផ្លូវព្រះមុនីវង្សជិតការ៉ាសសាំង Total ដែលមិនត្រឹមតែស្រួលរក ម្ហូបរសជាតិឆ្ងាញ់ដូចមុនទេ គឺទីតាំងក៏ស្រស់ស្អាត ធំទូលាយ ស្រួលចតឡាន ម៉ូតូទៀតផង។ និយាយអំពីម្ហូបវិញ ឲតែទៅដល់គឺដឹងតែញ៉ាំហើយបបរកង្កែប ប៉ុន្ដែ FoodBuzz ចង់ណែនាំមុខម្ហូបរសជាតិឆ្ងាញ់ៗ ដែលប្រិយមិត្តមិនទាន់បានដឹង ឬ សាកនៅឡើយ អញ្ចឹងតោះមកមើលទាំងអស់គ្នា! មាន់បំពងខ្ទឹមសមួយនេះគឺដឹងតែជាប់ចិត្តតែម្ដង បំពងខ្ទឹមសឡើយឈ្ងុយហើយយកមកប្រលាក់ជាមួយកំទេចនំប្រៃ រសជាតិឡើងប្លែក ធានាថាសាកម្ដងហើយ លើកក្រោយដឹងតែចង់ញ៉ាំទៀតហ្មង! សំរាប់អ្នកដែលចូលចិត្តញ៉ាំគ្រឿ៎ងសមុទ្រវិញគឺមិនខ្វះម្ហូបត្រូវចិត្តហ្មង ដូចក្ដាមឆាម្ទេសបែបសាំងហ្គាពួរមួយមុខនេះ ហិរៗហើយក្ដាមសុទ្ធតែសាច់។ ហើយបង្ការឆាពងទាប្រៃនេះក៏ឆ្ងាញ់ដកមាត់មិនរួចដែរ សំបកបង្កាស្រួយទំពារបាន មិនបាច់ពិបាកប្រលាក់ដៃបកឡើយ គ្រាន់តែនឹកឃើញ ស្រក់ទឹកមាត់បាត់! ប្រហិតម៉ាន់ជូស្នូលបង្គារនេះក៏រំលងមិនបានដែរ រីឯគុយទាវឆាហូហ្វាន់នេះក៏ឆ្ងាញ់ម្យ៉ាង ឆាលាយបង្ការ មឹក និង បន្លែចំរុះ គឹដឹងតែត្រូវចិត្តអ្នកចូលចិត្តគ្រឿងសមុទ្រ។ ប៉ុន្ដែអត់ទាន់អស់ទេ បាយឆាគ្រឿងសមុទ្រនិងស៊ុបគ្រឿងសមុទ្រទំពាំងបារាំងនេះ មើលតែរូបក៏ដឹងថាឆ្ងាញ់។ ចុងក្រោយគេនេះគឺ មាន់ខ្វៃជូរអែម… Read More

តោះមកសាកតៅហ៊ូសណ្តែកសរីរាង្គពី Yummy Bean

Yummy Bean គឺជាម៉ាកតៅហ៊ូសណ្តែកថ្មីមួយដែលទើបតែបើកបានប្រមាណជា 3 ខែតែប៉ុណ្ណោះ ប៉ុន្តែរសជាតិនិងគ្រឿងផ្សំធានាថាជាប់ចិត្ត ញុំាមិនណាយ! នៅទីនេះមានលក់នូវប្រភេទតៅហ៊ូសណ្តែក 3 ជម្រើសដូចជា៖ រសជាតិដើម, រសជាតិស្លឹកតយ និង រសជាតិសូកូឡា។ តៅស៊ូសណ្តែកមានរសជាតិផ្អែមលមៗ ឈ្ងុយនូវក្លិនសណ្តែក ដាក់ចូលមាត់ភ្លាមរលាយភ្លាមតែម្តង! ក្រៅពីនេះ Yummy Bean ក៏មានលក់នូវទឹកសណ្តែកពោត និង ទឹកសណ្តែកពណ៌សដែលធានាថាឆ្ងាញ់ ញុំាមិនខកបំណងនោះទេ។ ការជ្រើសរើសសណ្តែកយកមកផលិតត្រូវបានធ្វើឡើងយ៉ាងម៉ត់ចត់ យកតែសណ្តែកក៏ដូចជាគ្រឿងផ្សំធម្មជាតិដទៃដែលស្រស់ៗ យកមកធ្វើភ្លាមៗដោយប្រើប្រាស់រូបមន្តមកពីប្រទេសសិង្ហបូរី។ អនាម័យខ្ពស់ គុណភាពល្អ រសជាតិឆ្ងាញ់ សម្បូរនូវជាតិប្រូតេអ៊ីននិងកាល់ស្យូម សាកសមសម្រាប់មនុស្សគ្រប់វ័យ! ញុំាហើយមិនភ័យលើសជាតិស្ករឬឡើងគីឡូនោះឡើយ! តម្លៃ៖ $1.50 ទីតាំង៖ តាមបណ្តោយរុក្ខវិថីសម្តេចប៉ាន (ផ្លូវលេខ 214), ទល់មុខសាលា ACE សាខាសម្តេចប៉ាន | Google Map 

ជាប់ចិត្តជាមួយបាយមាន់បែបសាំងហ្គាពួររូបមន្តថ្មីនៅឯ បាយមាន់360

សម្រាប់ប្រិយមិត្ត FoodBuzz ដែលចូលចិត្តញុំាបាយមាន់ មិនគួរមើលរំលងហាងបាយមាន់ដែលទើបតែនឹងបើកថ្មីមួយនេះនោះឡើយ! បាយមាន់360 ជាភោជនីយដ្ឋានឯកទេសខាងបាយមាន់ ដែលទើបតែដំនើរការថ្មីៗនេះ បាននាំមកនូវរូបមន្តពិសេសនៃការធ្វើបាយមាន់ដែលមេចុងភៅមាននូវទឹកស៊ីអ៊ីវពិសេស ដែលពួកគេប្រើក្នុងការចម្អិនសាច់មាន់ និង ទឹកស៊ីអ៊ីវខាប់ពិសេសដែលមិនអាចរកបាននៅកន្លែងដទៃ សម្រាប់ជ្រលក់សាច់មាន់ដើម្បីបន្ថែមនូវរសជាតិផ្អែមប្រៃតិចៗចាប់មាត់ជាប់ចិត្ត។ សម្រាប់បាយមាន់សាំងហ្គាពួរដែលជាម្ហូបប្រចាំហាងនេះ អ្នកអាចជ្រើសរើសរវាង មាន់ស្ងោរ ឬ មាន់ចៀន បានតាមតម្រូវចិត្ត ហើយអ្វីដែលពិសេសនោះគឺ សាច់មាន់សម្រាប់ម្ហូបមួយមុខនេះត្រូវបានហូតឆ្អឹងចេញ ស្រួលញ៉ាំហើយផុយឆ្ងាញ់តែម្តង។ សម្រាប់បាយវិញ ខាងចុងភៅក៏មានការផ្សំគ្រឿងមួយចំនួនដែលបង្កើនរសជាតិនិងសោភ័ណភាពអាហារមួយកម្រិតទៀត។ សាកសមបំផុតសម្រាប់អាហារពេលព្រឹកនិងអាហារថ្ងៃត្រង់។ ក្រៅពីបាយមាន់សាំងហ្គាពួរនេះ លោកអ្នកក៏អាចកុម្ម៉ងញុំានូវបាយដទៃទៀតជាច្រើនមុខដូចជា បាយស្លាបមាន់ ឬ ភ្លៅមាន់ស្ងោរ ឬ ចៀន បាយឆ្អឹងជំនីរជ្រូកចៀន បាយសាច់ជ្រូកចៀន និង បាយមាន់ Pepsi ដែលជាមុខម្ហូបថ្មី ទើបតែចេញកាលពីដើមខែមេសានេះ។ ក្រៅពីនេះ លោកអ្នកក៏អាចញុំានូវម្ហូបកុម្ម៉ងមួយចំនួនទៀតដែលផ្សំពីសាច់មាន់ គ្រឿងក្នុង និង កង្កែបផងដែរ។ ថ្មីៗនេះ ហាងបាយមាន់360 ទើបតែចេញនូវបបរខកង្កែប ដែលមានរសជាតិ ហិរ និង ប្រៃតិចៗ… Read More

ញ៉ាំបបរកង្កែបនៅផាកកាហ្វេ បានទាំងឆ្ងាញ់បានទាំងភេសជ្ជៈហ្វ្រី

ថ្មីៗនេះបន្ទាប់ពីដាក់លក់នូវផលិតផលបបរខកង្កែបថ្មីនៅសាខាមួយចំនួននៃផាកកាហ្វេហើយ សម្រាប់ចុងខែមេសានេះផាកកាហ្វេបានចេញកម្មវិធីពិសេសញ៉ាំបបរខកង្កែបនៅផាកកាហ្វេទទួលបាន Sprite Zero ហ្វ្រីៗតែម្តង! បើនិយាយពីបបរខកង្កែបគឺមានហាងលក់ច្រើននៅទីក្រុងភ្នំពេញ។ ពីកន្លែងមួយទៅកន្លែងមួយរសជាតិខុសៗគ្នា។ តែរសជាតិដែលទទួលបានការពេញនិយមជាងគេគឺបបរខកង្កែបបែបសិង្ហបុរី។ ហើយសម្រាប់ខកង្កែបនេះ ប្រិយមិត្តដែលចូលចិត្តញ៉ាំបបរដែលមានរសជាតិឈ្ងុយឆ្ងាញ់ ប្រាកដជាពេញចិត្តតែម្តងជាមួយរសជាតិបបរខកង្កែបថ្មីនៅភោជនីយដ្ឋានផាកកាហ្វេ។ ព្រោះថាមានរសជាតិដ៏ឈ្ងុយឆ្ងាញ់ កង្កែបស្រស់ៗ ពិសេសសម្រាប់គ្រឿងផ្សំខកង្កែបនេះគឺយើងច្នៃផ្សំបន្ថែមពីលើរសជាតិដើមបែបសិង្ហបុរីឲ្យត្រូវនឹងរសជាតិរបស់ខ្មែរយើងតែម្តង ហើយចម្អិនដោយចុងភៅមានបទពិសោធន៍ខ្ពស់ មានអនាម័យ ជាមួយនឹងតម្លៃសមរម្យបំផុត បើប្រៀបធៀបជាមួយកន្លែងផេ្សងៗទៀត។ សម្រាប់ឈុតនីមួយៗគឺមានដូចខាងក្រោមនេះ៖ SET 1: បបរស ($1) + ខកង្កែបរសជាតិម្ទេស ($6.99) + កុងឆាយ&សណ្តែកដី (Free) + កង្កែបបំពង ($6.99) + Sprite Zero 2កំប៉ុង (Free) SET 2: បបរស ($1) + ខកង្កែបរសជាតិខ្ញី ($6.99) + កុងឆាយ&សណ្តែកដី (Free) + កង្កែបបំពង ($6.99)… Read More

The Mille ចេញនំ Crepe រសជាតិថ្មីសម្រាប់បុណ្យចូលឆ្នាំចិនខាងមុខនេះ

មួយរយៈមុននេះ FoodBuzz បានណែនាំអ្នកទាំងអស់គ្នារួចម្តងហើយអំពីហាងលក់នំ Crepe ឆ្ងាញ់មួយកន្លែងនៅភ្នំពេញ ឈ្មោះថា The Mille Crepes Story (ចុចទីនេះសម្រាប់អានអត្ថបទ)។ ថ្មីៗនេះ The Mille Crepes Story បានចេញរសជាតិនំ Crepe ថ្មីមួយទៀត គឺរសជាតិសណ្តែកដីសម្រាប់អបអរពិធីបុណ្យចូលឆ្នាំចិនខាងមុខនេះ មានលក់ក្នុងតម្លៃ USD 26.88 សម្រាប់នំមួយ។ សម្រាប់នំនេះផងដែរនឹងមានទទួលសម្រាប់តែការកក់មុនតែប៉ុណ្ណោះ ចាប់ទទួលពីថ្ងៃនេះ ដល់ថ្ងៃទី 12 ហើយអ្នកអាចទទួលនំបានក្នុងថ្ងៃ 13 – 15 កុម្ភៈ។ ឆ្នាំនេះ ចូលឆ្នាំចិនប្តូររសជាតិសែននំ Crepe ឲ្យដូនតាម្តង យ៉ាងម៉េចដែរ? ទីតាំង៖ ផ្ទះលេខ 33 ផ្លូវ 183  |Googlemap  បើកលក់៖ ថ្ងៃច័ន្ទដល់អាទិត្យ 9AM – 10PM 

នឹកឃើញចង់ញុំាបបរកង្កែបពេលរសៀលៗ អាចទៅផាកកាហ្វេបាក់ទូកបាន!

ដំណឹងល្អ និង ពិសេសសម្រាប់ Fan បបរកង្កែបទាំងអស់គ្នា !! បើនិយាយពីបបរខកង្កែបគឺមានហាងលក់ច្រើននៅទីក្រុងភ្នំពេញ។ ពីកន្លែងមួយទៅកន្លែងមួយរសជាតិខុសៗគ្នា។ តែរសជាតិដែលទទួលបានការពេញនិយមជាងគេគឺបបរខកង្កែបបែបសិង្ហបុរី។ ហើយថ្មីៗនេះ ផាកកាហ្វេសាខាបាក់ទូក បានចេញលក់នូវបបរកង្កែបថ្មី ដែលមានរសជាតិឈ្ងុយឆ្ងាញ់ប្លែកមាត់ជូនអតិថិជនដែលនិយមចូលចិត្តទទួលទាននូវអាហារមុខនេះ ហើយមានផ្តល់ជូនជា២រសជាតិផងគឺ ខកង្កែបខ្ញី និង ខកង្កែបម្ទេសក្រៀមដែលអាចកុម្ម៉ង់កម្រិតហិរតាមចំណង់ចំណូលចិត្តបាន និង មួយមុខពិសេសទៀតនោះគឺកង្កែបបំពងខ្ទឹមស ស្រួយៗ ក្តៅៗ។ តាមការបញ្ជាក់ពីចុងភៅជំនាញរបស់ផាកកាហ្វេបាក់ទូកប្រាប់ក្រុមការងារយើងអោយដឹងអំពីគ្រឿងផ្សំខកង្កែបនេះថា៖ “គឺយើងច្នៃផ្សំបន្ថែមពីលើរសជាតិដើមបែបសិង្ហបុរីឲ្យត្រូវនឹងរសជាតិរបស់ខ្មែរយើងតែម្តង ហើយពួកយើងបានធ្វើការយ៉ាងយកចិត្តទុកដាក់តាំងពីការជ្រើសរើសកង្កែបគឺត្រូវជាកង្កែបរស់ ហើយល្អលេខ១ពិសេស ជាកង្កែបដែលចិញ្ចឹមបែបធម្មជាតិ និងជាលក្ខណៈគ្រួសារនៅតាមជនបទផងដែរ។” ហើយសម្រាប់ម្ហូបមុខថ្មីនេះ ប្រិយមិត្តដែលចូលចិត្តញ៉ាំបបរដែលមានរសជាតិឈ្ងុយឆ្ងាញ់ ប្រាកដជាពេញចិត្តបបរកង្កែបថ្មីនៅភោជនីយដ្ឋានផាកកាហ្វេជាមិនខាន ដោយសារតែរសជាតិដ៏ឈ្ងុយឆ្ងាញ់របស់កង្កែបស្រស់ៗ ចម្អិនដោយចុងភៅមានបទពិសោធន៍ខ្ពស់ មានអនាម័យ ដើម្បីធានាថាគឺគ្មានសារធាតុគីមីពុល១០០% ។ គួរបញ្ជាក់ដែរថាផាកកាហ្វេគឺជាភោជនីយដ្ឋានប្រចាំប្រទេសកម្ពុជាដំបូងគេបង្អស់មួយ ដែលបំរើជូនអាហារដ៏មានរសជាតិឈ្ងុយឆ្ងាញ់មានផាសុខភាព មិនប្រើប៊ីចេង ជាមួយនឹងតម្លៃសមរម្យ។ គួរបញ្ជាក់ផងដែរ បបរកង្កែបមានលក់នៅតែផាកកាហ្វេសាខាបាក់ទូកប៉ុណ្ណោះ និងមានបំរើជូនចាប់តាំងពីម៉ោង២រសៀលតទៅ។

The Milles Crepe Story: ហាងជំនាញនំក្រែប ប្រភពមកពីសឹង្ហបុរី 

ពេលជួបជុំគ្នាធ្វើកម្មវិធី Birthday ឬ Farewell រាល់ដងតែងតែទិញនំខេកធម្មតាមែនទេ? ចង់ប្ដូររសជាតិម្ដងអត់? សាកនំខេកក្រែបម្ដងមើល កំរមិនសូវឃើញមានលក់តាមហាងនំទូទៅទេ ព្រោះថាត្រូវចំណាយពេលយូរក្នុងការធ្វើ ប៉ុន្ដែរសជាតិវិញគឺធានាឆ្ងាញ់ជាប់មាត់តែម្ដង!   FoodBuzz បានទៅភ្លក្សនំក្រែបនៅ The Milles Crepe Story កាលពីប៉ុន្មានថ្ងៃមុននេះ ដោយនំក្រែបនៅទីនេះគឺសុទ្ធតែធ្វើផ្ទាល់ដោយម្ចាស់ហាងជនជាតិសឹង្ហបុរីតែម្ដង ដែលមានបទពិសោធន៍ជាចុងភៅនិងធ្វើនំជាង 20 ឆ្នាំមកហើយ។   នំក្រែបរសជាតិសូកូឡា Nutella ពួកយើងបានភ្លក្សគឺផ្អែមល្មមឆ្ងាញ់ មិនផ្អែកខះករ ហើយមានក្លិនឈ្ងុយសូកូឡា លាយជាមួយនឹងទឹកសូកូឡាដែលហៀរចេញពីនំមក គ្រាន់តែនឹកឃើញ ស្រក់ទឹកមាត់ឃ្លានតែម្ដង។   ក្រៅពីរសជាតិសូកូឡានេះ ក៏នៅមានរសជាតិរសជាតិផ្លែឈើស្រស់ដូចជា ធុរេនកំពត ស្រ្ដូប៊ឺរី ស្វាយ ដូង និង រសជាតិផ្សេងៗទៀតដែលអ្នកអាចកម្ម៉ង់បាន។ អ្វីដែលពិសេសបំផុតនោះ គឺនំខេកនីមួយៗនៅទីនេះ គឺត្រូវបានធ្វើពីនំក្រែបបន្ទះដាក់គរៗគ្នា ចំនួន 25 បន្ទះឯណោះទើបបង្កើតបានជានំមួយ អញ្ចឹងហើយដាក់តែមួយចំណិតដឹងតែជាប់ចិត្តតែម្ដង សាច់នំណែនឆ្ងាញ់ ញ៉ាំមួយហើយចង់ញុំាមួយទៀត!  … Read More

[Review] The Claypot House៖ សាកក្តាមឆា 3 ប្រភេទរបស់សាំងហ្គាពួរ ឆ្ងាញ់ញាក់សាច់

តោះប្រមូលគ្នាម៉ោ! ប្រិយមិត្ត FoodBuzz ណាខ្លះចូលចិត្តញ៉ាំម្ហូបបែបសាំងហ្គាពួរ? ថ្ងៃនេះ FoodBuzz មានភោជនីយដ្ឋានសាំងហ្គាពួរដែលទើបតែបើកដំណើរការថ្មីៗនេះទេ គឺ The Claypot House ប៉ុន្ដែបើនិយាយពីរសជាតិម្ហូបមួយមុខៗវិញគឺឆ្ងាញ់ញាក់សាច់ ព្រោះថាសុទ្ធតែរៀបចំ និងចំអិនដោយម្ចាស់ហាងដែលជាចុងភៅមានបទពិសោធន៍ជាង 10 ឆ្នាំមកហើយ។ FoodBuzz បានភ្លក្សម្ហូបសរុបចំនួន 6 មុខដែលក្នុងនោះមានក្ដាមឆា 3 មុខព្រោះថាបើនិយាយពីរឿងម្ហូបសាំងហ្គាពួរវិញ គឺថាភ្លេចមិនបានតែម្ដងរឿងក្ដាមឆាហ្នឹង! អញ្ចឹងត្រូវភ្លក្សឲ្យបានច្រើនរសជាតិ។ មុខម្ហូបក្ដាមឆាមួយមុខនេះៗ គឺសុទ្ធតែចំអិនដោយប្រើក្ដាមថ្ម ទំងន់ចាប់ពី 500 ក្រាមឡើងទៅ ហើយរសជាតិពួកយើងភ្លក្សនោះរួមមាន Blackpepper Crab (ក្តាមឆាម្រេចបែបសាំងហ្គាពួរ) Chili Crab (ក្តាមឆាហិរបែបសាំងហ្គាពួរ) ដែលជាក្ដាមឆាល្បីគេស្គាល់ច្បាស់ថាជាម្ហូបសឹង្ហបុរី និង ចុងក្រោយគឺ Salted Egg Crab (ក្តាមឆាពងទាប្រៃ) ដែលជារូបមន្តច្នៃថ្មីដោយម្ចាស់ហាង និងចុងភៅប្រចាំហាងនេះផ្ទាល់តែម្ដង។ រកនៅកន្លែងផ្សេងអត់បានទេណា! ក្នុងចំនោមរសជាតិទាំងបីនេះ គឺសុទ្ធតែឆ្ងាញ់ប្លែកៗគ្នា ហើយសាច់ក្ដាមវិញគឺស្រស់ ផ្អែមគួរឲ្យជាប់មាត់ ដោយ ក្តាមឆាម្រេច… Read More

[Promo] ទិញកែវតូចបានកែវធំនៅ Ya Kun Kaya Toast

ប្រសិនបើអ្នកមិនទាន់បានសាកភ្លក់ជាមួយរសជាតិពីសាហ្គារពួររបស់ Ya Kun Kaya Toast នោះទេ ពត៌មាននេះអាចជាហេតុផលសំខាន់មួយដែលអ្នកគួរតែទៅសាកឥទ្បូវនេះ។ តោះទៅទាំងអស់គ្នា ដើម្បីមកសប្បាយជាមួយការផ្តល់ជូនក្នុងកម្មវិធី Happy Hour របស់ Ya Kun Kaya Toast Cambodia (យ៉ាគុនខាយអ័រខេន) ទិញកែវតូចបានកែវធំ។ រាល់ការជាវភេសជ្ជៈខ្នាតតូចៗ ហើយអ្នកទាំងអស់គ្នានឹងទទួលបានកែវធំជាងមុន ជាមួយនឹងតម្លៃដដែល។ ការផ្តល់ជូននេះមានចាប់ពីម៉ោង 2 រសៀលរហូតដល់ម៉ោង 5 ល្ងាចតែប៉ុណ្ណោះ។ នៅចាំដល់អង្កាល់ទៀត តោះទៅយកទឹកកំប៉ុងធំទាំងអស់គ្នានៅ Ya Kun Kaya Toast Cambodia! ទីតាំង៖ ផ្ទះលេខ ២៩ ផ្លូវលេខ ២៩៤ សង្កាត់ ទន្លេបាសាក់ ខណ្ឌចំការមន ភ្នំពេញ | Googlemap  ទំនាក់ទំនងតាមលេខទូរសព្ទ័ 098 656 969

មិនបាច់ទៅដល់ម៉ាទ្បេស៊ី ភ្លក្ស ”បាគូតេ” នៅណានយ៉ាងមុន្នីវង្សក៏មានដែរ

បាគូតេជាប្រភេទស៊ុបឆ្អឹងជំនីជ្រូក ដែលគេដាក់រំងាស់ជាមួយនឹងស៊ុបថ្នាំ និង គ្រឿងទេសចិនជាច្រើនមុខ បានមកនូវជារសជាតិខ្លាំងបែបចិនសែ។ ទោះជាយ៉ាងណា បាគូតេត្រូវបានគេនិយមញ៉ាំច្រើននៅប្រទេសម៉ាឡេស៊ី និង សិង្ហបុរី។ ដោយឡែក នៅភ្នំពេញយើងនេះ ហាងលក់ម្ហូបម៉ាឡេស៊ី រឺ សិង្ហបុរីភាគច្រើនមិនមានលក់បាគូតេនោះឡើយ។ ពេលនេះ FoodBuzz មានឱកាសបានទៅភ្លក្សម្ហូបនៅភោជនីយដ្ឋានណានយ៉ាងបាគូតេ ដែលមានចុងភៅជាជនជាតិម៉ាឡេស៊ីផ្ទាល់ គាត់បានចំអិនបាគូតេ និង ម្ហូបប្រចាំហាងមួយចំនួនដែលមានរសជាតិដើមពិតៗ ដោយមិនចាំបាច់យើងជិះយន្តហោះទៅញ៉ាំនៅស្រុកក្រៅនោះទេ។ អ្វីដែលពួកយើងពេញចិត្តបំផុតនោះគឺ បាគូតេដែលមានតំលៃតែ ៥$ តែមានបរិមាណសមរម្យសំរាប់ញ៉ាំមួយចំអែត។ ថ្វីត្បិតតែបាគូតេមានលក់នៅកន្លែងផ្សេងៗ បាគូតេនៅណានយ៉ាងមានលក្ខណៈប្លែកពីគេត្រង់ ក្លិនថ្នាំចិនដ៏ខ្លាំងបែបប្រហើរ តែបែរជាមានរសជាតិល្មមមិនខ្លាំងដូចក្លិននោះឡើយ។ ក្នុងទឹកស៊ុបក្ដៅៗ សាច់ជ្រូកបីជាន់ និង ឆ្អឹងជំនីជ្រូកត្រូវបានគេរំងាស់ឲ្យចូលជាតិ និង ផុយងាយស្រួលពិសារ។ ម្ហូបពិសេសមួយទៀតប្រចាំហាងនោះគឺ ឆាក្ដៅបាគូតេ ដែលចុងភៅបានយកសាច់បីជាន់បាគូតេ ទៅឆាជាមួយនឹងគ្រឿងទេសផ្សេងៗដូចជា ទឹកស៊ីអ៊ីវខាប់ ប្រេងខ្យង ស្រាសរ ហើយអ្វីដែលប្លែកនោះ គឺគាត់បានឆាជាមួយនឹងកំទេចមឹកក្រៀមត្រាំក្នុងប្រេង ដែលធ្វើឲ្យឆាក្ដៅនេះមានក្លិនមុតបែបគ្រឿងសមុទ្រ ញ៉ាំជាមួយបាយសរក្តៅៗ និយាយពីថាឆ្ងាញ់។ លើសពីនេះ ពោតបារាំងស្រួយៗក៏មាននៅក្នុងនោះដែរ។ មួយមុខទៀតគឺ គីមហាំងឡាឡា។ តែកុំទាន់ភ្ញាក់គ្រាន់តែលឺឈ្មោះ បើនិយាយឲ្យសាមញ្ញទៅគឺ លាសសមុទ្រឆាសាតេ។ ដូចដែលបានប្រាប់ចឹង គេយកលាសទៅស្រុះឲ្យឆ្អិនរួច យកទៅឆាជាមួយនឹងប្រេងខ្យង និងសាតេប្រចាំហាង។ ធ្លាប់តែញ៉ាំសាច់មាន់ចង្កាក់សាតេ ដល់តែលាសសមុទ្រសាតេចឹងក៏ប្លែកម៉្យាង។ ក្រៅពីបាគូតេ និង ម្ហូបទាំងនេះ ណានយ៉ាងជាកន្លែងដែលអ្នកគួរតែទៅសាកប្រសិនបើអ្នកប្រាថ្នាចង់ប្តូររសជាតិទៅសាកម្ហូបម៉ាឡេស៊ី។ ម្ហូបក្ដៅៗ បាយសរ ចាក់តែ ជល់ពែង គ្រាន់តែគិតក៏សប្បាយ។ ស្ថិតនៅលើផ្លូវមុនីវង្សដ៏មមារញឹក ភោជនីយដ្ឋានណានយ៉ាងបាគូតេមានចង្ក្រានចំអិនម្ហូបនៅនឹងមុខហាងដែលបង្ហុយក្លិនឈ្ងុយពីម៉ោង ១១ព្រឹក ដល់ម៉ោង ១០យប់។ នៅណានយ៉ាង សំរាប់រាល់ការហៅម្ហូបណាមួយ ភ្ញៀវម្នាក់ៗនឹងទទួលបានបាយសរ ២ចាន ដោយឥតគិតថ្លៃទៀតផង។ ទីតាំង៖ ផ្ទះលេខ៥១៩ ផ្លូវមុនីវង្ស នៅខាងស្តាំដៃ តាមបណ្ដោយផ្លូវក្នុងទិសដៅពីស្តុបពេទ្យចិនទៅច្បារអំពៅ (មុនស្តុបបត់ទៅផ្លូវ 310) | Googlemap  តំលៃ៖ 5$-8$ ក្នុងមួយមុខ បើកពីម៉ោង៖ 11AM – 10PM