Smoked Wings in

សាច់ឆ្អឹងជំនីដុតផុយតាមរសជាតិអាមេរិចពិតៗនៅ D2 Smokehouse

ប្រសិនបើលោកអ្នកចូលចិត្តញុំាអាហារបែបបញ្ចឹមប្រទេស ជាពិសេសអាហារដែលមានរូបមន្តដើមមកពីប្រទេសអាមេរិច មកញុំាអាហារនៅ D2 Smokehouse ពិតជាមិនខកបំណងនោះទេ។ D2 Smokehouse មាននូវរូបមន្តពិសេសក្នុងការចម្អិនសាច់ដែលចុងភៅជាម្ចាស់ហាងបានពាំនាំមកពីស្រុកកំណើតរបស់គាត់ផ្ទាល់នៅសហរដ្ឋអាមេរិច។ FoodBuzz សូមណែនាំឲ្យភ្លក្សនូវ Smoked Spare Ribs ដែលជាឆ្អឹងជំនីជ្រូកដែលត្រូវបានចម្អិនយ៉ាងសម្រិតសម្រាំងអស់រយៈពេលយ៉ាងយូរជាមួយផ្សែងក្នុងឡចម្អិនសាច់ ដើម្បីធានានូវភាពទន់ល្មើយរបស់សាច់ជ្រូក។ សូម្បីតែតុល្យភាពនៃរសជាតិប្រៃផ្អែមត្រូវបានថ្លឹងថ្លែងយ៉ាងម៉ត់ចត់ ហើយសាច់ក៏មានសភាពផុយឆ្ងាញ់សឹងតែមិនបាច់ពិបាកទំពារ។ ប្រសិនបើអ្នកមិនសូវចូលចិត្តអង្គាមឆ្អឹងដូចជាពួកយើងទេនោះ អ្នកក៏អាចញុំា Smoked Pulled Pork ជាសាច់ជ្រូកចំនិតមានរសជាតិដូចគ្នាប៉ុន្តែត្រូវបានដកចេញពីឆ្អឹង ងាយស្រួលក្នុងការញ៉ាំ ដាក់ចូលមាត់អស់មិនដឹងខ្លួន។ ក្រៅពីនេះ ពួកគេក៏មានស្លាបមាន់អាំងផ្សែងដែលហៅថា Smoked Chicken Wings ផងដែរសម្រាប់អ្នកចូលចិត្តសាច់មាន់។ ក្រោយពីអាំងផ្សែងរួច ស្លាបមាន់បំពងទាំងនោះក៏ត្រូវបានយកទៅបំពង មុនពេលចេញមកជាសាច់ដែលមានភាពទន់ល្មើយឆ្ញាញ់នៅខាងក្នុងបូកផ្សំនឹងស្បែកដ៏ស្រួយឆ្ញាញ់ជាប់មាត់នៅខាងក្រៅ។ ស្លាបមាន់បំពងនេះចម្អិនមានរសជាតិផ្អែមបន្តិច ព្រោះតម្រូវឲ្យជ្រលក់នឹងទឹកជ្រលក់ហិរៗតិចៗទៅ ធានាថានឹងផ្តល់ជូននូវរសជាតិដែលលោកអ្នកមិនដែលធ្លាប់បានញុំាពីមុនមក។ D2 Smokehouse ក៏មានលក់នូវបឺហ្គឺ និង តាកូជាច្រើនប្រភេទ លោកអ្នកអាចជ្រើសរើសបាននូវជម្រើសសាច់ជ្រូក ឬ សាច់មាន់ផងដែរ។ មួយមុខៗសុទ្ធតែចម្អិនយ៉ាងយកចិត្ត ទុកដាក់ដើម្បីធានានូវគុណភាព និង រសជាតិដែលលោកអ្នកមិនអាចទៅរកញ៉ាំបាននៅកន្លែងដទៃ។… Read More