Tom Yum in

ចង់ដឹងថាមានអាហារ និង ភេសជ្ជៈរសជាតិតុងយ៉ាំប្លែកៗអ្វីខ្លះអត់?

សួស្ដីប្រិយមិត្ត FoodBuzz! ធ្លាប់ញ៉ាំសម្លរតុងយ៉ាំ ឬមីកំប៉ុងរសជាតិតុងយ៉ាំទាំងអស់គ្នាហើយមែនទេ ប៉ុន្តែមានដឹងអត់ថាម្សៅ ឬគ្រឿងតុងយ៉ាំអាចកែច្នៃដាក់ក្នុងម្ហូប ឬចំណីអាហារជាច្រើនមុខទៀត។ ដូច្នេះថ្ងៃនេះយើងបានចងក្រងអាហារចំនួន 10 ប្រភេទប្លែកៗដែលមានរសជាតិតុងយ៉ាំសម្រាប់អ្នកទាំងគ្នា។ 1) ​ស៊ុបប៊ូ​ហ្វេរសជាតិតុងយ៉ាំ ស៊ុបតុងយ៉ាំរសជាតិហឹរ ឈ្ងុយឆ្ងាញ់ រួមជាមួយសាច់និងបន្លែស្រស់ៗជាច្រើនមុខទៀត មួយឆ្នាំងនេះញ៉ាំបាន 2 ទោ 3 នាក់។ ចង់បានអីទៀត? តម្លៃ៖ ប្រហែល 10 ដុល្លារ ទីតាំង៖ គ្រប់សាខា Shabu Shabu Shabu Boo Tueng៖ ផ្លូវ 516 សង្កាត់បឹងកក់ទី 1 ខណ្ឌទួលគោក រាជធានីភ្នំពេញ (ទល់មុខអេស៊ីលីដា) | Googlemap  2) ស៊ុបនិងមីតុងយ៉ាំ បើយល់ថា ស៊ុបប៊ូហ្វេច្រើនស្កេកស្កះពេក សាកមួយនេះម្ដង។ តំលៃសមរម្យដាក់មួយចានឆ្អែត។ ជាលក្ខណៈស៊ុបកម្ម៉ង់ ឬ ញ៉ាំជាមួយមីក៏បាន។… Read More

ធ្លាប់តែញ៉ាំស៊ុបតុងយ៉ាំ ឥឡូវមកភ្លក្សភេសជ្ជៈតុងយ៉ាំពី Takefive ម្ដងមើល៍!

ប្រិយមិត្តអត់អានច្រឡំទេ! គឺភេសជ្ជៈរសជាតិតុងយ៉ាំពីហាងកាហ្វេ Takefive ។ ប្រិយមិត្តប្រហែលជាធ្លាប់ញ៉ាំស៊ុបនិងសម្លរតុងយ៉ាំ ហើយក៏ភ្ញាក់ផ្អើលថាគ្រឿងតុងយ៉ាំយកមកធ្វើភេសជ្ជៈបានយ៉ាងម៉េច? ឈប់ឆ្ងល់ទៀតទៅ … FoodBuzz បានសាកភេសជ្ជៈនេះរួចហើយ ចាំពួកយើងប្រាប់ត្រួសៗ។ ឈ្មោះពេញរបស់វាគឺ “តែតុងយ៉ាំទឹកកក” (Tomyum Iced Shaken Tea) ដោយប្រើស្លឹកតែក្រអូបជាមួយ ដុំទឹកកករសជាតិតុងយ៉ាំ។ ដុំទឹកកកនេះផ្សំឡើងពីស្លឹកក្រូច ខ្ជាយ និងគល់ស្លឹកគ្រៃ។ រូចថែមជាមួយស្ករសបង្កើតរសជាតិជូរអែម និងហឹរនៅចុងៗមាត់។ ឆ្ងាញ់ មិនក្រពុល អាចទទួលយកបាន។ លើសពីនេះទៀត មានទាំងផ្លែសាវម៉ាវ ស្លឹកក្រូច ស្លឹកគ្រៃ និងម្ទេសតុបតែងជុំវិញកែវធ្វើឲ្យតែទឹកកកតុងយ៉ាំនេះ ត្រូវម៉ាច់សម្រាប់ជាភេសជ្ជៈពេលរសៀល។ Takefive ក៏មានភេសជ្ជៈប្រចាំហាងពីរទៀតផងដែរគឺ កូកូទីន (Cocotin) និងតែសីឡូន (Pure Ceylon Tea) ។ កូកូទីនគឺជារសជាតិនៃកាហ្វេ (1 shot) ជាមួយក្រែមនៅពីលើ។ ចាប់ផ្តើមថ្ងៃថ្មីរបស់អ្នកទាំងអស់គ្នាជាមួយកូកូទីនជាវិធីល្អបំផុត ព្រោះថាវានឹងធ្វើឱ្យយើងស្វាងពីងងុយគេង និងផ្ដោតលើការងារបានល្អប្រសើរ។ អ្នកចូលចិត្តផ្អែម… Read More

យ៉ូសាយ៉ា ហាងម្ហូបថៃតម្លៃសមរម្យបើកសាខាថ្មីនៅម្ដុំទួលទំពូង

ស្គាល់យ៉ូសាយ៉ាហើយមែនទេ FoodBuzz បានណែនាំមិនប៉ុន្មានខែមុន។ អានអត្ថបទមុន។ តែថ្ងៃនេះ FoodBuzz នឹងណែនាំនូវសាខាថ្មីរបស់ យ៉ូសាយ៉ាបើកនៅក្បែរផ្សារទួលទំពូងដែលចាប់ផ្ដើមបើកលក់មិនប៉ុន្មានខែមុននេះ។​ យ៉ូសាយ៉ាហាងម្ហូបថៃនេះមានលក់មុខម្ហូបជាច្រើនបែបច្រើនយ៉ាង រួមទាំងម្ហូបសម្រាប់អាហារពេលព្រឹក ថ្ងៃត្រង់ និងពេលល្ងាច ជាពិសេសមានប្រភេទអាហារសម្រន់ជាច្រើនមុខទៀត។​ ម្ចាស់ហាងជាជនជាតិថៃ រីឯម្ហូបចម្អិនដោយជនជាតិថៃផ្ទាល់ តែកុំភ័យរឿងហឹរញ៉ាំអត់កើត ប្រិយមិត្តអាចកុម្ម៉ង់កំរិតហឹរទៅតាមចំណូលចិត្តរបស់ប្រិយមិត្តបាន។ ឥឡូវមើលថាមានម្ហូបអី្វឆ្ងាញ់ៗខ្លះនៅយ៉ូសាយ៉ា! ផាត់ថៃ គឺជាគុយទាវឆាមួយប្រភេទប្រចាំប្រទេសថៃដែលទទួលបានការកុម្ម៉ង់និង​ទទួលទានយ៉ាងច្រើនកុះករ។ គ្រឿងផ្សំក្នុងគុយទាវឆាមួយចាននេះមានដូចជាគុយទាវ តៅហ៊ូ ស៊ុត ទឹកស៊ីអ៊ីវ​ បង្គាគ្រៀម ម្ទេស ស្ករត្នោត ឬស្ករស និងបង្គាស្រស់។ ជាធម្មតាមុខម្ហូបមួយចាននេះគឺមានសណ្ដែកដីនិងសណ្ដែកបណ្ដុះស្រស់អមជាមួយនឹងក្រូចឆ្មារដែលជារូបមន្តបង្កើនភាពឆ្ងាញ់របស់ផាត់ថៃនេះផងដែរ។​ ទោះបីជាការរួមបញ្ចូលគ្នា រវាងបង្គានិងតៅហ៊ូ គឺជាប្រពៃណីនៃការញ៉ាំរបស់ផាត់ថៃ តែ អ្នកក៏អាចកុម្ម៉ង់ផាត់ថៃសាច់មាន់មកជំនួសបង្គារបានដែរ ឬបើអ្នកមិនចង់ញុំាសាច់ អាចហៅជាផាត់ថៃបួសដែលមានតែបន្លែនិងតៅហ៊ូផងដែរ។ តុងយុំា សាកសមបំផុតសម្រាប់អាហារពេលថ្ងៃត្រង់ និងអាហារពេលល្ងាចជាមូយនឹងរសជាតិជូរហឹរ ហៅតុងយ៉ាំមួយចាននេះមក ប្រាកដជាស្រលះបំពង់កល្អណាស់។​ អ្នកដែលចូលចិត្តញុំាតុងយុំាប្រាកដជាចូលចិត្តរសជាតិម្ហូបនៅ​យ៉ូសាយ៉ា ទាំងអនាម័យ និងរសជាតិឆ្ងាញ់ជាប់មាត់។​ មិនត្រឹមតែតុងយុំាទេមានរសជាតិ​ឆ្ងាញ់ ញ៉ាំមឹកក្រូចឆ្មារក៏ឆ្ងាញ់មិនចាញ់គ្នាដែរ។​ និយាយពីមឹក វិញគឺស្រស់ៗញុំាមួយម៉ាត់ហើយចង់ញុំាមួយម៉ាត់ទៀត។​​ ចង់ញុំាបែបណាក៏បាន​ មុខម្ហូបជាច្រើនមុខមានក្នុងម៉ឺនុយសម្រាប់ជ្រើសរើស។​ គុយទាវតុងយុំាសាច់គោនេះក៏ឆ្ងាញ់ម៉្យាងជាពិសេសរសជាតិទឹកស៊ុបនិងប្រហិតសាច់គោដែលមានរសជាតិជាប់មាត់រួមជាមួយគ្រឿងផ្សំផ្សេងៗនៅក្នុងចានគុយទាវនេះ។​… Read More

​​ហាងម្ហូបថៃទាំង 10 ដែលអ្នកមិនគួររំលង

ចង់ញ៉ាំម្ហូបថៃ តើគួរទៅញ៉ាំនៅទីណា? ចាំ FoodBuzz ប្រាប់! (លេខរៀងមិនតាមចំណាត់ថ្នាក់) #1 តាំមួ Tummour ភោជនីយដ្នាន តាំមួមានអាហារជាច្រើន ដូចជា តុមយ៉ាំបង្គា ម្ជូរខ្ទិះរំដេងសាច់មាន់ កែងការីខៀវសាច់មាន់ តុមសែមឆ្អឹងជំនីជ្រូក បុកល្ហុងថៃភូមិភាគឦសាននិង បង្អែមកូនត្រីជាដើម សុទ្ធសឹងតែជាមុខម្ហូបថៃពេញនិយមប្រចាំហាង។ ទីតាំង: ផ្ទះលេខ 249A ផ្លូវលេខ 63 កែងផ្លូវលេខ 400 សង្កាត់បឹងកេងកង 1 ខណ្ឌចំការមន រាជធានីភ្នំពេញ | Googlemap តម្លៃ: $1.90 ឡើងទៅ បើកម៉ោង: 11am – 8pm   #2 Desilk Garden & Eatery នៅទីនេះមានបាយសាច់ជ្រូកចង្កាក់អាំង សម្លរជ្រក់ម្ទេសខៀវឆ្អឹងជំនីជ្រូក  បុកល្ហុងថាសពិសេស និង ម្ហូបផ្សេងទៀតដោយចុងភៅថៃផ្ទាល់រសជាតិដើម។… Read More

[Review] មីទាញតុងយុំាជូរហិរជ្រះបំពងករម្តុំ IFL

ញុំាម្ហូបប៊ូហ្វេច្រើនហើយនៅវត្តកាលពីអំឡុងពេលបុណ្យភ្ជុំបិណ្ឌត្រូវទេ? ទៅណាក៏ការីៗ ឥឡូវញុំាមីទាញម្តងមើលដើម្បីកាត់ភាពទ្រលាន់! នៅហាង មីទាញតុងយុំា មានលក់មីទាញដែលមានជម្រើសសាច់ជាច្រើនប្រភេទដូចជា មីទាញតុងយុំាគ្រឿងសមុទ្រ មីទាញសាស៊ីវ មីទាញផាក់ឡូវ និង មីទាញជាច្រើនមុខទៀត។ សាច់មីទន់ ញុំាហើយចង់ញុំាទៀត ភ្លេចៗខ្លួនអស់ពីចានតែម្តង។ ចំណែកឯទឹកស៊ុបតុងយុំាវិញមានរសជាតិឈ្ងុយឆ្ញាញ់ ជូរៗ ជ្រះបំពង់ករ។ ក្រៅពីនេះ ពួកគេក៏មានលក់នូវគាវបំពងស្រួយៗ និង គ្រឿងសមុទ្រជាច្រើនមុខទៀត។ សាកសមសម្រាប់ញុំាពេលល្ងាច ជួបជុំមិត្តភក្តិពេលចេញពីរៀនឬធ្វើការ។ តម្លៃ៖ មីទាញមួយចាន ១២០០០៛, គាវបំពងមួយចាន ១០០០០៛ (១២គាវក្នុងមួយចាន) អាស័យដ្ឋាន៖ ផ្លូវលេខ ១២២ សន្ធរមុខ ភ្នំពេញ (នៅក្រោយ Gloria Jean’s Café IFL) បើកចាប់ពីម៉ោង ៣ រសៀលទៅ | Googlemap